سلامت نيوز: گاهدان ايختيلاف او قدر اولار كي نظره گلر
رابيطه‌نين ايدامه‌سي بير آز چتين گؤروشر. آما ايش‌بيلنلر دئييرلر كي ايرتيباطي موشكوللري
حل ائتمك چتين دئييل و تكجه مهارته احتياجي وار. ايسته‌سز كي رابيطه‌لريزين
ياخجيلاشماسينا بير ايش گؤره‌سيز، ياهو سايتيندا گلن خانيواده موشاويرلرين
دئديقلاري 10 يولو، اوخويون.
* يولداشيزينان جيدّي موشاجيره زماني، احساساتي قيراغا
قويون. حيرصلي اولاندا منطيقلي اولانمازسيز. احساساتيزي كونترول ائليه‌نمه‌سز
دانيشيغا ايدامه وئرمه‌يين. چونكي ايمكاني وار منطيقسيز كلمه‌لر ديليزه گتيره‌سيز
كي موشكول يارالدار، تئز اؤز سؤزوزو كسين و آراملاشاندان سونرا ايده‌آل شراييطده
تازادان دانيشين.
* ياديزدا اولسون موشاجيره زماني، كيمين حق اولماغيني
آختارمايين. تقصيري يولداشيزين بوينونا آتساز موشكول حل اولماياجاق. شايد اوّلده
اونو موقصير نيشان وئرسز خياليز راحت اولا، آما موشكول حل اولماز.
* باريشماق داليسيجان اولون و چاليشين هر ايكيزين نفعينه
قورتولسون. اصلاً ذهنيزه ده گلمه‌سين كي اينصافدان سونرا آيري شئي ايكيزي‌ده راضي
سالار. هر نه ائله‌سز گرك ايكي طرفلي و خانيواده‌نين فايداسينا اولا.
* آلچاق كؤنول اولون و يولداشيزي دانلامايين. اگر احساسات
ياخجي صورتده دئييله، هر طرف كي خصمانه موضع توتوب، راحاتراق اؤز موشكولون حل
ائدر.
* گاهدان لازيمدير كي تَوافوقه چاتماماق اوچون بيرليقدا
توافوقه چاتاسيز ! گاهدان لازيم دئييل كي يوزه يوز موافيق اولاسيز. مسأله‌ني نتيجه‌سيز
قيراغا قويماساز، سونراكي دردسرلر اوز وئره بيلر. بونا گؤره هر اوزون بحثين
آخيرينده دئيين كي طرفين سؤزلرينه و نظرينه احتيرام قويورسوز.
* هميشه جيدّي بحثلري خلوتده ائله‌يين. اوشاغيز اولسا
ياديزدا اولسون كي ايختيلافلي مسأله‌لري اونلارين يانيندا دانيشساز، اوشاقلاردا
اعتيمادسيزليق و خطرده اولماق حيسّي يارانار. بونا خاطير خلوتده و آرام دانيشين.
* بير موشكولي حل ائتماغا تصميم توتماميش موطمئن اولون كي
بوتون يوللاري نظرده آلميسيز.ايختيلافلي بير مسأله‌ني نتيجه‌يه چاتديرماق و اونا
ياخجي و تئز يول تاپماق، همكارليغا و باهم فيكيرلشماغا احتياجي وار. بو ايشي دوز
گؤرسز، زمان بويو موشكوللر حل اولار.
* قضاوت اوچون تلسمه‌يين. شايد موناسيب يولو تئز تاپانمايا‌سيز،
بونا خاطير آرام اولون و ياتماغا چاليشين.
* موطمئن اولون هر ايكيزين ريضايتين جلب ائله‌ماغا بير يول
وار. منفي جومله‌لردن و فعل‌لردن ايستيفاده ائتمه‌يين و چاليشين خوش‌بين اولاسيز.
* شايد اوّلده هر شئيين يوزده يوزون ايستيه‌سيز، آما موشترك
ياشاييشدا ايثار و باغيشلاماغين داها ياخجي نتيجه‌سي اولار.