هشترود شهرستانینین غربیندن 10 کیلومئتیر، عزیز کندی‎نده جاده‎نین آشاغیسیندا (زنجان-تبریز اوتوبانی) سکیز ضیلعلی قدیم بیر مزار واردیر کی اورانین اهلینجه شئیخ بایزید بسطامی‎نین مقبره‎سیدیر. ایچ‌ چاپی (قطر داخلی) 4.5 مئتیر و ائشیک چاپی (قطر خارجی) 6.5 مئتیر 8 ضیلعلی (هر ضیلعی 247 سانتی‎مئتیر) بیر پلانی واردیر. گۆنبزلی، ایچریسی گچکارلیق اولونموش و نماسی کرپیجدیر کی گؤونور، سونرالار تعمیر اولونوبدور. کرپیجلرین اصلی بدنه‎یه وصل اولونمادیغی اوچون، چوخو، زامان زامان قوپوب تؤکولوبدور. بۆرج، 32×26 سانتی‎مئتیر اندازه‌لی منظم تراشلی آلتی ردیف داش اۆزرینده تیکیلیبدیر کی است اوسته ایکی مئتیر داش بینؤره‎نی تشکیل ائدرلر.