مجيد حلاج شهيد
قاضي‌طباطبايي‌نين ايل‌دؤنومو مراسيمينه حاضيرليق مراسيمينده فارسين خبرنيگاري‌اينن
دانيشيقدا بو موجاهيد روحاني‌نين ايل‌دؤنومو مراسيمين عظمتلي توتماغين ايسته‌دي.
او دئدي: شهيد
قاضي‌طباطبايي‌نين شخصيتي اوستاندان يوخاريدير، او اؤلكه سطحينده مطرحدير.
حلاج ايدامه
وئردي: بو بؤيوك شخصيت آذربايجانين معنوي رهبري عونوانيندا مطرحيدي و گرك اونون
عزيزله‌مه‌سينه آرتيق ديقت يئتيريله.
او آرتيردي:
تبريزين بونياد شهيدي آماده‌دير بو بوزورگوارين زيندگينامه‌سيني مدرسه‌لرده توزيع
ائله‌سين.
حلاج تأكيد
ائله‌دي: جماعتين موختليف قيشرلري و موحصيل‌لرين بو مراسيمده شيركت ائله‌ماقلاري
اونون عظمتينه آرتيراجاق و بونا هماهنگليق لازيمدير.
تبريزين بونياد
شهيدي‌نين رييسي بوزورگوار شهدين قبري‌نين توزون آلما و گول ياغديرما مراسيمينه
آرتيق هماهنگليغي ايسته‌دي و آرتيردي: بو نوراني مزارا گول ياغديرماق، جماعت
و مسوول‌لارين همراليغي‌اينن و رسانه‌لرين پوشيش وئرماغي‌اينن ديقت مركزينده
اولسون.
حلاج شهيد قاضي‌نين
بوزورگداشتيندا، تبريزين ايمام جومعه‌سي و شرقي آذربايجان اوستانداريسي‌نين بيانيه
صادير ائله‌ماقلارينا ايشاره ائديب دئدي: اينقيلابين پيروزلوق و تثبيتينده بو
شهيدين اولان نقشينه توجّوه ائله‌ماغينان گرك او بيري مسوول‌لار دا همراهليق ائده‌لر.
او بونو
دئماغينان كي شهيد قاضي طباطبايي بعضي مسوول‌لارين ايچينده مظلوم واقع اولوب،
دئدي: مسوول‌لارين بو مراسيمده حاضير اولماقلاري و اونو تانيتديرماق ضروري دير.