امام دئدیلر آقای بروجردی‌نین محضرینده بیر ساعت اولماغی انگلستان حکومتینه وئرمه‌رم.
بیر تعداد خارجی حاج آقا روح‌الله‌ین گؤروشونه گلمیشدیلر. اونلار دئدیلر: اونلار قبول ائله‌ییب انگلستانا گلماغی قبول ائله‌سه‌لر، چوخلو اروپا فلسوفلارینی اونلارین محضرینه گتیره‌روق کی فکر و علم‌لریندن داها چوخ استفاده اولونسون و اوردا بوردان آرتیق فایدالی اولارلار.
فارسین وئردیغی خبره گؤره، آیت‌الله حاج شیخ عزیزالله خسروی زنجانی (متوفی 1374) آیت‌الله العظمی بروجردی و امام خمینی‌نین شاگردلریندن ایدی.
بوردا آیت‌الله حاج شیخ عزیزالله خسروی زنجانی‌نین امام خمینی اینن بیر خاطره‌سینی نقل ائدیریک:
بنده آقای خمینی‌نین فقه درسینی گؤرمه‌میشم. او زمان بیز قم شهرینده اولوردوق و اونلار حکمت درسی وئریردیلر. اوّلده اونلارین درس یئری فیضیه‌نین حجره‌لری‌نین بیری ایدی. بیز تقریبا 15-10 نفر درسده شکرت ائلردوق.
آقای خمین آقای بروجردی‌نین یانیندا چوخ منزلتی واریدی. بیر گون انگلستان حکیملریندن آقای بروجردی‌نین محضرینه گلمیشدیلر و نئچه فلسفی سؤال سوروشموشدولار. آقای بروجردی اونلاری او زمان «حاج آقا روح‌الله»ا معروف اولان آقای خمینی‌یه ارجاع وئرمیشدی. آقای خمینی‌ده آقای بروجردی بیتی‌نین آیری اوتاغیندا اونلارین سؤال‌لارینا جواب وئرماغا مشغول اولموشدو.
اتفاقاً من‌ده چاتدیم. آقای بروجردی‌نین مهم ایشلری‌نین عمده‌سی الینده اولان جناب فاضل قفقازی (آیت الله فاضل لنکرانی‌نین آتاسی) منیمله چوخ دوست ایدی و منیم آقای خمینی‌نین شاگردی اولدوغومو بیلیردی. منی گؤرماق همان تورکی دئیلینده دئدی: آغا شیخ عزیزالله ! بویور بو اوتاغا.
منی او جلسه‌یه آپاردی. جالب جلسه ایدی. مترجم سؤال‌لاری آغایا و آغانین جوابینی‌دا اونلارا ترجمه ائلیردی. اونلاردا قبول علامتی کیمی باشلارینی ساللیردیلار. بحثین آخرینده اونلارین بیری مترجمه دئدی: بیز بو سؤال‌لاری دنیانین مختلف اسلامی و غیر اشلامی و حتی تهراندا فیلسوفلاردان سوروشموشوق. آما ایندیکی کیمی قانع اولمامیشدوق. بو آغا قبول ائله‌ییب انگلستانا گلماغی قبول ائله‌سه‌لر، چوخلو اروپا فلسوفلارینی اونلارین محضرینه گتیره‌روق کی فکر و علم‌لریندن داها چوخ استفاده اولونسون و بیزیم نظریمیزه اوردا بوردان آرتیق فایدالی اولارلار.
اونلارین تکلیفلری ترجمه اولاندان سونرا آغای خمینی‌نین جوابینی گؤزلوردوق. اونلارین درسلرینده بیر مدت اولدوغوما گؤره و اونلارین بحثلری‌نین شیرینلیغی تازا حس ائله‌دیغیما گؤره، اورگیمده اونلارین بو تکلیی قبول ائلیه‌جاقلاریندان و منیم اونلارین محضریندن محروم اولاجاغیمدان نگران ایدیم.
ذهنیمدن بو خیالات گئچرکن آقای خمینی خاص حالتینن مترجمه دئدی: بو آغالارا دئ کی آقای بروجردی‌نین درس محضرینده بیر ساعت اولماغی انگلستان حکومتینه وئرمه‌رم!