شرقی آذربایجان اسلامی تبلیغات مدیر کلی، دینی هدفلرین حاصل اولماسی اوچون مردمی تشکل‌لر و اسلامی انجمن‌لرین همکارلیغی‌نین اهمیتینه تأکید ائله‌دی.
مهرین وئردیغی خبره گؤره حجت‌الاسلام و المسلمین سید شهاب‌الدین حسینی، اسلامی تبلیغاتا مربوط اولان تشکل‌لرین استانداکی ولی فقیه نماینده‌سی و تبریز امام جمعه‌سی اینن صمیمی گؤروشونده دئدی: اسلامی تبلیغات سامزانی اسلامی انقلابین ایران جماعتینه هدیه‌سیدیر و جامعه‌ده دینی اخلاقی ترویج وئرماق وظیفه‌سینی عهده‌سینه آلیب.
او آرتیردی: دوشمنلرین توطئه‌سی، تکفیر، یالانچی عرفانلارینان مقابله ائله‌ماغینان اسلام و اسلامی انقلابین آرمانلارین دفاع ائله‌ماق، اسلامی تبلیغاتین آیری وظیفه و رسالتلریندن ساییلیر.
شرقی آذربایجان اسلامی تبلیغات مدیر کلی تأکید ائله‌دی: بو سازمان استاندا 100دن آز کارمند اینن اؤز رسالتینه یئرینه یئتیره بیلمز و بو سازمانا باغلی اولان مجموعه‌لرین چوخ اهمیتی وار.