شرقی آذربایجانین اسلامی تبلیغات اداره‌سی‌نین مدیر کلی دئدی: بو اداره‌نین بوتون فعالیتلرینه شامل اولان، اسلامی تبلیغاتین مردمی ستادی، پایلوت صورتده تبریز شهرداریسی‌نین 12 ناحیه‌سینده یارانیر.
مهرین وئردیغی خبره گؤره حجت‌الاسلام سید شهاب‌الدین حسینی دئدی: اسلامی تبلیغات اداره‌سی‌نین تحولی بیزیم آرزیلاریمیزدان ایدی و اومیدواریق بو اداره قانون تعیین ائله‌دیغی اصلی یئرین چاتسین.
او آرتیردی: اخیر مدتده هم اداری - مالی و هم عمرانی جهتدن بو مجموعه‌ده یاخجی ایشلر گؤرولوب و تئزلیغینان تبریزین اسلامی تبلیغات سازمانی‌نین 7 طبقه‌لی ساختمانی دوزلماغا باشلایاجاق. میانه‌نین ساختمانی‌دا تئزلیغینان تأسیس اولور.
حجت‌الاسلام حسینی خبر وئردی: 95-ین مهرینده تقریباً 51 مستقر روحانی واریمیزیدی کی چالیشماقلارین نتیجه‌سینده بو رقم 106-یه چاتیب و گوندن گونه چوخالتماسینا چالیشیروق.
او آرتیردی: مختلف دینی مؤسسه‌لرین همکارلیغی اینن شهرداری‌نین بوتون منطقه‌لرینده بیر اسلامی تبلیغات مردمی ستاد یاراتماق قصدینده‌یوق. بو ستاد مداحلار، اسلامی انجمنلر، مذهبی هیئتلر، قرآن مؤسسه‌لر و ائولری و منطقه روحانیلرین فعالیتلرینه شامل اولاجاق.