شوشه همجوشي ريشته‌سي‌نين هونرمندي ايسلام دونياسيندا
بيرينجي شوشه‌دن اولان قورآنيندان خبر وئردي و دئدي: بو قورآنين دوزلتمه‌سي اون
ايل وقت آپارار.
فارس خبرگوزاريسي‌نين شرقي آذربايجانين گرديشگري و فرهنگي
ميراث سازماني‌نين عومومي روابيطيندن نقل اولان گوزاريشه گؤره، محمد حسين رهنما
دئدي: بو قورآنين هر جوزوي بير كتيبه قاليبيندا دوزه‌ليب بير موقدس مكاندا
آسيلاجاق.
بو هونرمند بونا ايشاره ائله‌مگينن كي شوشه قورآنين دوزلتمه
زمانين آزالتماق اولار دئدي: دولتين همكارليغي ايله بو موتعالي هدفه چاتماق راحات‌راق
اولار.
او بونو دئمگينن كي كتيبه‌نين جينسي و حتي يازيلاري شوشه‌دندي،
ايدامه وئردي: بو قورآني دوزلتمگه ايكي تونا ياخين شوشه لازيمدي.
رهنما دئدي: بو هونرين ايراندا قيدمتي 3 مين ايل و
آذربايجاندا 5 مين ايلدير.
محصول‌لاري‌نين چوخو سونتي بزك اشيالاري صورتينده بازارا
عرضه اولان بو هونرمند آرتيردي: بو هونر سون ايل‌لرده شرقي آذربايجاندا تانينيب و
ايندي نوماييشگاهلاردا آرتيق تانيتديماغا احتياجي وار.
شرقي آذربايجانين بو هونرمندي خاطيرله‌دي: يونسكونون
سونراكي موسابيقه دؤره‌لرينده اصالت مؤهرونو آلماغا بوتون تلاشيمي ائليه‌جگم.
شرقي آذربايجاندا شاخيص اولان بو هونرمند دئدي: بو هونرين
اوّليه موادي كيريستالدي كي توركيه‌دن آلينير.