شرقی آذربایجان اسلامی تبلیغات مدیر کلی دئدی: تبریزین 68 مسجدینده صبح نمازی‌نین دایر اولماسینا رغماً مسجدلرین داها آرتیق فعال اولماسینا احتیاج وار.
حجت‌الاسلام سید شهاب‌الدین حسینی آرتیردی: شرقی آذربایجانین 7 مین فعال مسجدی اولماسینا گؤره، اؤلکه‌نین بیرینجی رتبه‌سینده یئر آلیر کی بو سئویندیریج حالدیر.
حجت‌الاسلام حسینی کئچن ایله گؤره کندلره یوللانان مبلغ‌لرین یوزده 4 آرتماسیندان خبر وئریب دئدی: مبارک رمضان آییندا 1900 نفردن آرتیق روحانی کندلره اعزام اولونوب.
او ادامه‌ده خبر وئردی: ایندیلیقدا تبریزین 68 مسجدینده صبح نمازی قیلینیر و اوست اوسته 1000 مسجد و 700 روحانی فعالیتده‌دیر. چالیشیروق بو ایل تبریزین 30 غیر فعال مسجدین فعال ائله‌یک.
او آرتیردی: اسلامی تبلیغات اداره‌سینه گؤره فعال مسجددیر اودور کی اوچ وعده اوردا نماز قیلینا و اوردا جوانلارین حضورو فعال اولا و مسجد ارگانلاری‌نین بیر بیری اینن تعاملی یاخجی اولا.
حسینی آخرده آرتیردی: مسجدلر، مذهبی هیأتلر، روحانیت جامعه‌سی و . . . اوچون جامع بیر سیستم یولا سالماق ایستیروق کی بو اطلاعاتی بیر یئره ییغسین.