شرقی آذربایجان اسلامی تبلیغات اداره‌سی‌نین مدیر کلی دئدی: اجتماعی آسیبلرین درمانینا اقدام ائتمک اسلامی تبلیغات اداره‌سی‌نین رسالتلریندن ساییلیر.
مهرین وئردیغی خبره گؤره حجت‌الاسلام سید شهاب‌الدین حسینی شرقی آذربایجان اسلامی تبلیغات مدیر کل‌لار جمعینده دئدی: اسلامی تبلیغات اداره‌سی، جامعه‌نین دینی و فرهنگی سکّان ساخلایانی کیمی بؤیوک رسالتی وار. و اونون بارز جلوه‌لریندن مستقر روحانیلردیلر.
دکتر حسینی آرتیردی: منیم بو اداره‌ده ایشه باشلادیغیمدا اوستانین مستقر روحانی ساییسی 51 نفر ایدی و ایندی بو رقم 81 نفره چاتیب. و بو رقمی ایلین آخرینه قدر 114 نفره چاتدیرماق ایستیریک. آما بونونلا بئله اوستانیمیزدا 360 کندیمیزین 800 نفردن آرتیق جمعیتی وار و هامیسی‌نین روحانی‌یه احتیاجی وار.
حجت الاسلام حسینی 96-جی ایلینده قرآنی بودجه‌نین اوستاندا ایکی برابر اولدوغوندان خبر وئریب آرتیردی: تبلیغی و ترویجی زمینه‌لرده چوخلو ایشلر گؤرولوب. او جمله‌دن 90 قرآن ائوی تأسیس اولوب و ایکی مین اوچ یوز آلتمیش دوققوز قرآن آموزشی کلاسی قویولوب کی 42 مین 286 نفر بو کلاسلاردا شرکت ائله‌ییب.