تبریزین تخصصی موزه‏لریندن اولان قرآن وکیتابت موزه‎سینده مختلف نۆسخه‏لر خصوصییله قرآن نۆسخه‎لری و یازی آلتـلری وار.

بو موزه صاحب الامر مچیدینده، صاحب‎آباد مئیدانینین شرقینده و تبریزین قلبینده‎دیر.

بو تاریخی بینانین بیر گۆنبز و ایکی میناره‎سی وار . اوّللر، شاه طهماسب اوّل صفوی‌نین مخصوص مچیدی ایدی.

بو بینا 1045-ده عثمانلی ایمپاراتورلوغو سیپاهی طرفیندن تخریب اولوندو و او زاماندان آنجاق ایکی، ناخیشلی مرمر اوتاغی دهلیزین گیریشینده و بقعه‎نین ایچریسینده قالیر.

بینانین بۆتونو شهر خوشنویسلری ال‎یازماسییلا بزه‎نیب و اوستاد علا الدین – شاه طهماسب زامانینین شؤهرتلی خوشنویسی – جن سوره‎سینی تاغلارین بیریسینین اۆزرینده یازیبدیر.

صاحب الامر مچیدی ه ق 1193 زلزله‎سینده ده چوخ خسارت گؤردو کی سونرالار انسانلار مچیدین شانینین حیفظ اولونماسی اوچون اونو مرمت ائتدیلر.

بو بینا، شرقی آذربایجان فرهنگی میراثـلار، ال‎ایشلری و گردشگرلیک سازمانی (سازمان ميراث فرهنگي، صنايع دستي و گردشگري آذربايجان شرقي) طرفیندن تعمیر اولوندوقدان سونرامچیدلیک قداستینه گؤره قرآن و کیتابت موزه‎سی اولارق تجهیز وافتتاح اولوندو.

ال‎یازما نسخه‏لردن سونرا، مختلف، مینیاتور ناخیشلی و لاک روکشلی مقوّا قلمدانلارمختف دوعالار یازیلمیش اولان فیلیز پلاکلار، قرآن آیه‏لری ایله زینتله‏نمیش قابلار و امام رضانین مبارک ال‌یازماسی (درییه یازیلیب) کیمی مخصوص اثرلر ده بورادا ساخلانیلیر. ملا عبدالباقي تبريزي، ميرزا محمد شفيع تبريزي، ميرزا طاهرخوشنويس و آثار عليرضا عباسي، درويش عبدالمجيد و ميرعماد حسني کیمی بؤیوک خوشنویسلرین ده ال‌یازمالاری بوراداکی اثرلردندیر.

بو گؤزل و معنوی موزه‏دن گؤرش زامانی، هر گون 9-دان 21ـه قدر بوتون وطنداشلار و مسافرلر اوچون مومکوندور.