اوستانین اسلامی تبلیغات مدیرکلی دئدی: انگیزه ایلاهی اولسا، فیزیک و شیمی‌ده ایلاهی علم ساییلار. آما بونلارین کناریندا صالح اوشاقلارین تربیتی اوچون معرفتی مسأله‌لری اؤرگشمه‌لی‌یوق.
مهرین وئردیغی خبره گؤره، حجت‌الاسلام والمسلمین سید شهاب‌الدین حسینی اسلامی تبلیغاتا باغلی اولان صدرا مدرسه‌لرین مدیرلری جمعینده بو مدرسه‌لرین زیربناسی‌نین تزکیه و تعلیم اولدوغونا اشاره ائله‌ییب دئدی: جامعه‌میزین تعلیم کناریندا تربیته ده احتیاجی وار. بیز ده صدرا مدرسه‌لرینده بو وظیفه‌نی گوجوموز چاتان قدر یئرینه گتیریروق.
دکتر حسینی آرتیردی: گله‌جاقدا جامعه‌میزده متعهد و عالم مدیرلرین شاهدی اولماق ایسته‌ساق صدرا مدرسه‌لرینده صالح اولاد تربیت ائله‌ماغا چالیشیروق.
او اعلام ائله‌دی خوشبتلیغینان اسلامی تبلیغات سازمان صدرا مدرسه‌لرینی تأسیس ائله‌ماغینان صالح اولاد تربیتینده مهم آددیم آتیب آما نظرده اولان اوجا یئره چاتماق اوچون مختلف حوزه‌لرین مسئول‌لاری‌نین کؤمگینه احتیاجیمیز وار.
حجت‌الاسلام حسینی بوتون علملری ایلاهی بیلیب تأکید ائله‌دی: انگیزه ایلاهی اولان صورتده حتی فیزیک و شیمی‌ده ایلهی علم ساییلیر. آما بونلارین کناریندا تعلیم و تربیت ساحه‌سینده معرفته ده دقت یئتیرماق لازمدیر.