تبریز شهرداری دئدی: کئچن اوچ ایلده تبریز شهرینده مسکن، هوتل و توریزم زمینه‌سینده 7 تریلیون تومن سرمایه یاتیریلیب کی بونون 3 تریلیون تومنی خارجده اولان تبریزلیلرین قویدوقلاری سرمایه‌دیر.
شهرداری‌نین عمومی رابطه‌لری‌نین وئردیغی خبره گؤره، صادق نجفی ایران اوتاغی نماینده‌لری‌نین سککیزینجی دوره‌سی‌نین 21-جی اوتوروموندا دئدی: تبریزین 2018-جی ایلینده اسلامی اؤلکه‌لرین توریستی پایتختی کیمی سئچیلمه‌‌سی مشخص بیر پروسه‌دیر. اسلامی اؤلکه‌لر سازمانی قونیه، مدینه، تبریز و باکی‌نی ۲۰۱۶، ۲۰۱۷، ۲۰۱۸ و ۲۰۱۹ ایللر اوچون اسلامی اؤلکه‌لر توریزم پایتختی کیمی سئچیب.
او آرتیردی: تبریزین قدیم تاریخ و مدنیتی همیشه اقتصادی حوزه‌لرینن باغلی ایدی. ایپک یولوندا واقع اولماق، تبریزین بؤیوک اوست اورتولو بازاری و اؤلکه‌نین بیرینجی بازگانی اوتاغی‌نین تبریزده تأسیس اولماسی همیشه تبریزین، آذربایجانین و ایرانین اقتصادی، اجتماعی و فرهنگی هدفلرینه خدمت ائله‌ماق مسیرینده اولوب.
او دئدی: «تبریز ۲۰۱۸»ین گئنیش ساحه‌لری تبریزه مخصوص دئییل و اؤلکه‌میز اوچون‌ده اقتصادی و فرهنگی ساحه‌لریده بؤیوک فایدالار یئتیره‌جاق.
تبریز شهرداری دئدی: کئچن اوچ ایلده تبریز شهرینده مسکن، هوتل و توریزم زمینه‌سینده 7 تریلیون تومن سرمایه یاتیریلیب کی بونون 3 تریلیون تومنی خارجده اولان تبریزلیلرین قویدوقلاری سرمایه‌دیر.
او آرتیردی: اؤلکه‌نین بیرینجی زیبیل یاندیرما کرخاناسی‌نین یولا سالینماسی فرانسه‌لی شرکتین مشارکتی اینن 290 میلیون دولار دَیَری اینن BOT شکلینده منعقد اولوب و اجرا مراحلی‌نین آخرینده‌دیر.
او، هابئله تبریزه یولا دوشن تبریز باشماغیندان حمایت کمپینینه اشاره ائله‌ییب آرتیردی: اخیر گونلرده تبریزلی‌لری و اصنافین طرفیندن یولا دوشن بو کمپین، داخلی تولیددن حمایت اوچوندور و تبریز جماعتی‌نین اقتصادی تعصبیندن و مقاومتی اقتصادین مصداقلاریندان حکایت ائلیر.