خوشا گلمز سوآل‌لارین بیری‌ده بودور کی بیری سیزدن سوروشا: «ائله بیل بیر آز کؤکلیبسن؟ هن؟» مسلماً هئچ کسین بئله سؤآلا جواب وئرماق مجبوریتینده قالماقدان خوشو گلمز و اعتماد بنفسی آزالار.
بو سؤآلینان اوز به اوز اولماماق اوچون سیزه بیر سئری ایشلر گؤرمگی پیشنهاد ائلیرم:
یئماق هوسلریزی کنترل ائله‌یین
بو ایش نه قدر ده چتین اولسا سیزین ساغلیغیز اوچون لازم بیر ایشدیر. یاخشی اولار هر نه تئزراق بو ایشی گؤره‌سیز.
هامی بیلیر کی سالم غذا برنامه‌سی استرسی آزالدار و روحیه‌نی گئجلندیرر.
کفایت قدر یاتین
تحقیقلر آزا یاتانلارین داها آرتیق روحی مشکل‌لره دوچار اولدوغونون گؤرسدیر. یوخو انسانین بئینینه ریکاوئری امکانی وئریر و صاباحین ایشلرینه داها گوجلو اولماغا امکان یارادار. یوخوسوزلوق سیزین ساغلیغیزا ضرر وورار.
تحرکوز اولسون
هئچ اولماسا سحرلر پیاده‌رولیق ائله‌یین. یئرمگیز ائله یئیین اولمالدیری کی نفس نفس ووراسیز. یوخسا یاواش یئریماغا تحرک دئمک اولماز. ورزش اینن قان جریانی نظمه دوشر و بدنین بوتون هورمونلاری دوز ایشلرلر.
ساغلیغیزی کنترل ائله‌یین
نئچه مدتدن بیر حتماً آزمایشه گئدین کی ساغلیغیزین یئرینده اولدوغوندان مطمئن اولاسیز. ناخوشلوغون قاباغینی آلماق درماندان چوخ داها راحتدیر.
اجتماعی اولون
اوتانجاق‌دا اولساز جامعه‌دن اوزاق گزمه‌مه‌لیسیز. بحثلرده شرکت ائله‌یین، گولومسه‌یین، غریبه‌لرینن دانیشین. دسته جمعی قرارلاشین و گزماغا گئدین. بو ایشلر سیزین اعتماد بنفسیزی و عزّتیزی آرتیرار.
مشغولیتیز اولسون
اولا یبلر انسان سئودیغی ایشلری گؤرماغینان چؤرک قازانا بیلمه‌سین آما اونلارا دا واخت آییرمالیدیر. بو ایش سیزی روحیه‌لندیرر و وارلیغیزین فایدالی اولدوغونو تأکید ائلر.
گونده‌لیق برنامه‌ز اولسون
گونون اوّل 10 دقیقه‌سینی اؤزوزه برنامه وئرماغا اختصاص وئرین. هر گونوز اوچون برنامه‌ز اولسون.
هر گونوزه بیر هدف تعریفله‌یین. همان گون هدفه چاتماساز دا اشکالی یوخدور.