معريفتي علملر دانيشمندلرين موطاليعه‌لري نيشان وئرير كي 4-5 ياشلي اوشاقلار
اؤز اويونلاريندا ائله رويشلردن ايستيفاده ائديرلر كي دانيشمندلر او رويشلردن علمي
آزماييشلرده ايستيفاده ائديرلر. اونلار موتغيّيرلري آراشديريرلار. دانيشمندلر علمي
آزماييشلرده مخصوص رويشلردن ايستيفاده ائديرلر. نظره گلير كي هاميميز حتي مدرسه‌يه
گئتمه‌ميشدن قاباق بو رويشلري باشاريرديق.
وايردين گوزاريشينه گؤره موحقّيقلر اؤز موطاليعه‌لرينده
بيليبلر كي بالاجا اوشاقلار عئيناً دانيشمندلر كيمي اوينورلار! بو نتيجه‌لر نيشان
وئرير كي 4-5 ياشلي اوشاقلار اؤز اويونلاريندا ائله رويشلردن ايستيفاده ائديرلر كي
دانيشمندلر او رويشلردن علمي آزماييشلرده ايستيفاده ائديرلر.
بو موطاليعه‌ده اوشاقلارا مخصوص اويناتمالي وئريرديلر كي اوشاق مخصوص مؤهره‌ني
اونون اوستونه قوياندا ايشه باشلاييب آهنگ چاليردي. دانيشمندلر گؤردولر كي اوشاق
هانسي مؤهره‌نين اويناتماليني ايشه سالماسين بيلمه‌ينده (بو حالته موبهم درك
دئيرلر) موختليف موتغيّيرلري نوبتينن آزماييش ائديرلر.
ام.آي.تي پورفوسورلاريندان، لورا شولتز بير نفرين موقعيتين تجسّوم ائدير كي قاپيني
آچماغا بيلمير هانسي آچاري ايشله‌ده. او دئيير: سيز شايد آچاري چؤندره‌سيز يا دا
آچارلاري دگيشه‌سيز آما ايكيسيني بيردم ائله‌مه‌سيز.
موطاليعه اولان 60 اوشاق ايكي يئره بؤلونورلر. بير گوروها گؤرستديلر 4 فرقلي م
وهره اويناتماليني ايشه سالار آما او بيري گوروها دئديلر كي بعضي مؤهره‌لر
اويناتماليني ايشه سالار و بعضيسي سالماز.ايكينجي گوروها مؤهرهلري جوت-جوت
وئرديلر. بو جوتلوقلارين بعضيسي بير-بيرندن آيرليردي و بعضيسي بير-بيرينه
ياپيشميشدي. اونلاري ايستيرديلر گؤرسونلر اوشاقلار آيريلمايان مؤهرهلري نه ائده‌جكلر.
جوت مؤهره‌لر فقط اوفوقي شكلينده اويناتماليه يئرله‌شيرديلر. بوننان بئله
اوشاقلار اونلاري عمودي شكلده‌ده قويوردولار تا مؤهرهلري بير-بير آزماييش ائله‌سينلر.
آخير آزماييشده اوشاقلارا فقط آيريلمايان مؤهره وئريلدي و اونلارا نيشان
وئريلدي كي اونلاري گرك اوفوقي قويسونلار. جاليب نتيجه بو ايدي كي اوشاقلار هله‌ده
مؤهرهلري عمودي شكلينده آزماييش ائله‌ماغا ايدامه وئريرديلر ! واقعيّتده شولتز و
همكارلاري بونا اينانيرديلار كي اوشاقلار دانيشمندلره تاي موتغيّيرلري آير-آيري
سيناماغا ايدامه وئريرديلر.
البته بو موطاليعه نيشان وئرمير كي اوشاقلار موتغيّيرلرين آييرماسي‌نين
اهميّتين بيليرلر يا آزماييش بويوندا بو مسأله‌ني ايستينباط ائديرلر، آما معريفتي
علملر دانيشمندلري اينانيرلار كي بو رويش اوشاقلارين اويناماسين دانيشمندلرين
موطاليعه‌لرينه ياپيشديرير. پس اوشاغيز نظريزه آخماق‌يانا حركت انجام وئرسه،
ياديزدا اولسون كي اولابيلر اوندا بير علمي رويش گيزلنميش اولا.