اوروپا اعصاب
علملری محققلرین بیری، استرسین کنترولو اوچون دؤرد مرحله یول گؤرسدیب کی اونلاری
پیاده ائله‌ماغینان استرسلی انسانلارین زندگانلیغینی تپ – چئویر ائله‌ماق اولار.
دوبلینین «ترینیتی»
کالجی‌نین اوستادی، پروفسور یان رابرتسانا گؤره، اونون ارائه ائله‌دیغی یوللارین
علمی قایناغی وار و اونو بیر دفعه امتحان ائله‌ین انسانلار، استرسی آزالتماق اوچون
داها آیری یولدان استفاده ائله‌ماغا حاضر دئییل‌لر. او دؤرد یول، بونلاردیر:
بیرینجی
قدم: اوجا
سس اینن اؤز بئینیزه دئیین: بو شرایط نه ده هیجانلیدیر!
استرسی ترقی‌یه
اولان فوق العاده بیر فرصته تبدیل ائله‌ماق اوچون، «شرایط نه قدر استرس گتیرندیر»
عوضینه اوجا سس اینن اؤزوزه دئیین: «قاباغا گلن موقعیت نه قدر ده هیجانلیدیر!» بو
دئماق، ظاهرده ساده و اهمیتسیز گؤرونسه‌ده، موقعیته نئجه باخماغی بئینه امر ائلیر.
مضطرب اولدوغوموز زمان کوتیزول هورمونو آخماغا باشلاییر. بو حالدا بئینین عکس
العملی او هورمونون ضررلی و یا فایدالی اولدغونون تعیین ائلیر. بیزیم وظیفه‌میز
مناسب موقعیتی بئینین اختیاریندا قویماقدیر کی لازم اولان دستورو وئرسین. بو
شرایطده بئینی شرایطین عادی اولدوغونا قانع ائله‌ماق اولماز. فقط اونا القاء ائله‌ماق
اولار کی شرایط چوخ هیجانلیدیر.
ایکینجی
قدم: درین
نفس آلیب وئرمک
بو زمانلاردا
درین بئش ثانیه‌لی نفس آلماق و آلتی ثانیه‌لی نفس وئرماق لازمدیر. درین نفس آلیب
وئرماق بئیینده شیمیایی تغییرلره سبب اولور طبیعی ضد استرس داواسی کیمی عمل ائلیر.
اوچونجو
قدم: بیر
سوپر کیمی دایانین
اؤزوزه قهرمان
ژستی توتون. یعنی صاف دایانین، سینه‌زی قاباغا وئرین باشیزی یوخاری توتون. قهرمان
ژستی بئیین داها یاخجی ایشلیه بیله‌جاغینا اعتمادینی آرتیرار. حقیقتده بو حالت
بئینین گوجو و قابلیتینی آرتیرماق اوچون فنددیر. آزمایشلرین نتیجه‌سی قهرمان ژستی‌نین
تستوسترون هورمونونون داها آرتیق آخماسینا سبب اولماسینی گؤرسدیر.
دؤدونجو
قدم:
اللریزی یومروقلایین
دؤردونجو قدم
ساغ الیزی یومروقلاییب 45 ثانیه باغلی سونرا 15 ثانیه آپیق و سونرا یئنه 45 ثانیه
یومروق شکلینده ساخلاماقدیر. بو عمل بئینین سول طرفینه چالیشدیریب و بدنی ذهنی
چالیشما موقعیتینه گتیرر کی استرسدن بدنین ایشینی یاخجیلاتماق اوچون استفاده ائله‌سین.
رابرتسانا
گؤره، استرس بؤیوک انرژی منبعیدیر. اونا گؤره اونو استخراج ائله‌ییب موفقیت
یولوندا ایشلتماق اولار. یوخسا قوجالماغا، افسرده‌لیغا و سرطانا سبب اولار. بو
دؤرد قدمی اجرا ائله‌ماق زندگانلیغین بوتون بحرانلاریندا یوخاری اعتماد به نفس،
یوخاری انگیزه و وصف اولونمایان شادلیغا سبب اولار. عالملرین و هنرمندلرین لاپ
بؤیوک اثرلری‌نین زندگانلیقلاری‌نین لاپ بحرانلی شرایطده یارانماسی اصلاً تصادفی و
راست گلمه بیر ایش دئییل.
ذکی اولون و
عاطفی و اقتصادی بحرانلاری خلاقیت و فایدالی‌لیغین آرتیرماسی یولوندا گوجلو منبعه
تبدیل ائله‌یین. یادیمزدا اولوسن نفس آلدیغیمیز گونه قدر استرس بیزمله وار، اونو
موفقیته فرصته تبدیل ائله‌ماق و یا اونا مغلوب اولماق بیزیم اؤز الیمیزده‌دیر.