ایسنانین وئردیغی خبره گؤره، حضرت آیت الله خامنه‌ای پنجشنبه گونو، خانیملار، اهل بیت ذاکرلری و شاعرلرین جمعینده خانیم فاطمه زهرانین (س) ولادتینی تبریک دئماغینان فرمایشلرینی بو مقدمه اینن باشلادیلار: «بعضیلری سوروشورلار نییه رهبر اخیر اتمی مذاکره‌لر باره‌ده موضعینی بیان ائله‌مه‌دی؟»
اسلامی انقلابین معظم رهبری تأکید بویوردولار: رهبرین موضع بیان ائله‌مه‌مه‌سی‌نین سببی، موضع دئماق اوچون بیر شئیین اولماماسیدیر. چونکی اؤلکه مسئول‌لاری ایکی طرف آراسیندا الزام گتیرن موضوع اولماییب.
حضرت آیت‌الله خامنه‌ای خاطرلادیلار: بو وضعیتین موضع ائله‌ماغا احتیاجی یوخدور.
اونلار بویوردولار: مندن سوروشسالار کی «اخیر اتمی مذاکره‌لرینن موافقسیز یا مخالف» دئیرم نه موافقم نه مخالف، چونکی هله هئچ نه اولماییب.
اسلامی انقلاب رهبری آرتیردیلار: مشکلون هامیسی جزئیاتین بحثینده اولاجاق. چونکی مقابل طرف کؤنز، عهد سیندیران و دالیدان خنجر وورماق اهلیدیر و بحث دورانیندا مذاکره ائله‌ین جماعتی و دولتی حصاردا قویا بیلر.
اونلار دئدیلر: ایندیه قدر دوشن اتفاق نه توافقون اصلینی و نه توافقه چاتان مذاکره‌نی و نه توفقون محتواسینی تضمین ائله‌میر. حتی بو دانیشیقلارین توافقه چاتماسینی‌دا تضمین ائله‌میر؛ بونا گؤره تبریک دئماغین معناسی یوخدور.