آمریکا، جنوبی‌کره و ژاپن‌ون شمالی کره‌یه حمله ائله‌ماقدان دالی اوتورماسیندان سونرا، پیونگ یانگ اعلام ائله‌دی: بو اؤلکه‌نین رهبری گواما حمله برنامه‌سی‌نین آماده اولماسینا رغماً اونو فعلاً تعویقه سالیر.
جنوبی کره‌‌نین رئیس جمهوری «مون جائه این»، ایکینجی دنیا ساواشین قورتولماسی ایل دؤنومو مناسبتینه دانیشیغیندا دئدی: « هر نه‌یین بهاسینا اولموش اولسا جنگه مانع اولاجاغیق و شمالی‌کره‌نین اتوم بحرانینی صلح یولو اینن حل اولماغینا چالیشاجاغیق و آمریکا بیزیم رضایتیمیز اولمادان هئچ نظامی اقدام انجام وئرمیه‌جاق».
آسوشیتدپرسین وئردیغی خبره گؤره، شمالی‌کره اینن تعامله طرف اولان سیاسیتمدارلاردان اولان جنوبی‌کره‌نین رئیس جمهوری آرتیردی: اونون دولتی جنگین قاباغینی آلماق اوچون الیندن گلنی ائله‌یه‌جاق. «این» دئدی: «شمالی‌کره‌نین اتوم بحرانی صلح‌آمیز یولونان حل اولمالیدیر و آمریکا و جنوبی‌کره‌نین بو باره‌ده‌کی موضعلری عینیدیر.»
شمالی‌کره‌نین رهبری‌ده بو موضعلرین مقابلینده تأکید ائله‌دی: « گوامدا عجولانه ایش گؤرماق ایسته‌میر بونا گؤره گواما حمله دستورونو موقتاً دایاندیریب.