معظم رهبرلیق مقامی اظهار ائله‌دیلر: فلسطینین فلسطین جماعتینه قاییتماسینا اومید ائلیرم. او گون، اسلام دنیاسی‌نین واقعی جشن گونو و استکبار پیکره‌سینه واقعی ضربه گونودور او گون چاتاجاق.
حضرت آیت الله العظمی خامنه‌ای‌نین حفظ و نشر آثار دفتری‌نین وئردیغی خبره گؤره، انقلاب رهبر محبان اهل بیت (ع) اجلاسیندا دئدیلر: اهل بیت محبتی شیعه‌لره مخصوص دئییل. اسلام پیغمبری‌نین وجودی‌نین مسلمانلار آراسیندا وحدت وسیله‌سی اولدوغو کیمی‌ده اهل بیت محبتی‌ده بیرلیق عاملی اولا بیلر و اسلام دنیاسی بو گون بو محبته چوخ احتیاجی وار.
اونلار آرتیردیلار: اسلام دنیاسی بو گون شدتلی یارا آلیب و اسلام دشمنلری جنگ و اختلاف سالماغینان اسلام دنیاسینی فشل ائله‌ییب اونون دوشمنینی امن حاشیه‌ده ساخلاییبلار. آسیانین غربینده صهیونیستی دوشمن امنیتده باش آپاریر بیر حالداکی مسلمانلار بیر بیرلری‌نین جانینا دوشوبلر.
معظم انقلاب رهبری تأکید ائله‌دیلر:متأسفانه قبول ائله‌مهلی‌یوق کی اسلام امّتی ایچینده آمریکا و صهیونیستی رژیم ایسته‌ین ایشی گؤرن انسانلار وار. بو حالدا اسلام امتی بیرلیغی اوجب واحباتدان ساییلیر.
اونلار آرتیردیلار: بو گون فلسطین مسأله‌سی اسلام دنیاسی‌نین اول مسأله‌سیدیر. چون غصب اولموش اسلام اؤلکه‌سیدیر و منطقه اؤلکه‌لری‌نین امنیتینه خلل یئتیرماغا بیر جایگاها تبدیل اولوب.
اسلامی انقلاب رهبری آرتیردیلار: دین مفتیسی کسوتینده بیری صهیونیستی رژیمینن مبارزه‌نین حرام اولماسینا فتوا وئرسه بو فاجعه‌دیر. اسلام دنیاسیندا بیر عده اسلام مصلحتلری ترسینه عمل ائلیرلر و قرآن نصی‌نین «أشداء بینهم و رحماء علی الکفار» خلافینا عمل ائلیرلر.
اونلار تشریح ائله‌دیلر: فلسطینین فلسطین جماعتینه قاییتماسینی اومید ائلیروق. او گون، اسلام دنیاسی‌نین بایرام و جشن گونو و استکبار پیکره‌سینه واقعی ضربه اولاجاق و او گون چاتاجاق.
معضم رهبرلیق مقامی دئدیلر: جمهوری اسلامی‌نین تشکیلیندن 40 ایل سووشور و اول گوندن آمریکا بیزمله دوشمن اولوب. توطئه و تحریم و نظامی تجاوز هر نه گوجلری چاتیب ائله‌ییبلر. آما اونلارین میل‌لرینه رغماً بیز دال با دال قاباغا گئتمیشوق.
اونلار تأکید ائله‌دیلر: بو گون جمهوری اسلامی 35 ایل بوندان قاباغینان مقایسه اولاسی دئییل. اونلارین بیزی آرادان آپارماق ایسته‌دیلر آما الله بیزی گوجلندیردی و بیز نهایت قدرتینن سؤزوموزو صراحت اینن دئییریک. بیزیم حضوروموزا هاردا لازم اولورسا کؤمک ائلیروق و اونو صراحتا دئییریک و دئمه‌سیندن چکینمیریک. کفر دنیاسی اینن اوزلشماقدا هئچ کسین ملاحظه‌سینی ائله‌میروق.