ترکی | فارسی | العربیة | English | اردو | Türkçe | Français | Deutsch
يکشنبه 10 مرداد 1400 - 21 ذو الحجة 1442
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 11
ديروز : 53
ماه : 657
 
تاریخ : پنجشنبه 2 شهريور 1396     |     کد : 1478

بانکی سپرده‌لرین بهره‌سی آزالیر

مرکزی بانک بانکی شبکه‌یه بخشنامه‌ وئرماغینان بانکلار آراسیندا سرمایه جذب ائله‌ماق اوچون یئرسیز رقابته سون قویماق اوچون سککیزلی تدبیرلری ابلاغ ائله‌دی.

مرکزی بانک بانکی شبکه‌یه بخشنامه‌ وئرماغینان بانکلار آراسیندا سرمایه جذب ائله‌ماق اوچون یئرسیز رقابته سون قویماق اوچون سککیزلی تدبیرلری ابلاغ ائله‌دی.

مرکزی بانکین عمومی رابطه‌لری‌نین وئردیغی خبره گؤره، بو بخشنامه‌نین بیر قسمتی بئله‌دیر:

تولیددن حمایت و اشتغال یاراتماق و اؤلکه‌ پول بازاری‌نین تنظیمی اوچون و بانکلار و مالی مؤسسه‌لر آراسیندا یئرسیز رقابته سون قویماق اوچون لازمدیر کئچمیشه تای بانکلار اؤلکه‌نین کلان اقتصادی سیاستلری اینن هماهنگ اولماغینان آشاغاداکی تدبیرلرین اجراسینا اقدام ائله‌سینلر:

1.  1396.06.11 گونون اولیندن بانکلار و اعتباری مؤسسه‌لرین وظیفه‌سی وار بیر ایللیق سپرده‌لرین علی الحساب بهره‌سینی 1395.04.14تاریخینده  شماره 116595 بخشنامه‌سی ضمنینده اعلام اولدوغو کیمی لاپ چوخ یوزده 15 اعمال ائله‌سینلر. بو بهره قیسا مدت سپرده‌لرده لاپ چوخ یوزده 10 اولمالیدیر.

2. رباسیز بانکدارلیق قایدالارینا گؤره، بانکلارین وئردیقلاری بهره‌لر علی الحسابدیر و اونلارین تسویه‌سی و قطعی وئریلمه‌سی بانکلارین و اعتباری مؤسسه‌لرین مالی دوره‌لری بیتندن و قطعی بهره‌نین حسابلانماسیندان و علی الحساب وئریلن بهره‌لری اوندان کسر ائله‌دیقدان سونرا اولمالیدیر. (1394.03.20 تاریخلی شماره 94.69383 بخشنامه‌نین موضوعسو)

3. بانکلار و اعتباری مؤسسه‌لرین طرفیندن سرمایه جذبی اوچون هر جور طرح و محصولون ارائه‌سی، اونون بهره‌سی‌نین مؤثر مقدارینی مرکزی بانکا (کامل جزئیاتینان) اعلام ائله‌ییب تأیید آلاندان سونرا امکانلی اولاجاق.

بانکلار و اعتباری مؤسسه‌لری بهره‌لرین مؤثر مقدارینی آرتیرماق اوچون هر جور مئوتودون اجراسیندان (حسابداری و محاسباتی یوللاری دَییشماق، کامپیوتری سیستملرین برنامه‌لیرنی دَییشماغینان و. . . ) جدی صورتده اجتناب ائله‌سینلر.

ضمنان بو بخشنامه‌نین مقرراتینی دقیقاً اجرا ائله‌ین بانکلار و اعتباری مؤسسه‌لردن مرکزی بانک طرفیندن حمایت اولوناجاق.


نوشته شده در   پنجشنبه 2 شهريور 1396  توسط   کاربر کلانتری    تعداد بازدید  116
PDF چاپ چاپ بازگشت
نظرات شما :
 
Refresh
SecurityCode