دکتر حسن
روحانی جمعه گئجه‌سی تلوزیونون جانلی برنامه‌سینده سوییس‌ده‌کی اتمی مذاکره‌لرین
نتیجه وئرمه‌سینی ایران جماعتینه یاددا
قالان تاریخی بیر گون ساییب دئدی: تیر آیی‌نین آخرینده نهایی اتمی توافقین امضالانماسی اینن اؤلکه‌میز علیهینه اولان بوتون مالی، اقتصادی و بانکی تحریملر
گؤتوروله‌جاق.
او آرتیردی:
بو گون ایران جماعتی‌نین تاریخی حافظه‌سینده قالاجاق و منه گؤره بو گون ایران جماعتیندن تشکر
گونودور.
او ادامه‌ده دئدی: ایران جماعتی استقمت و دایانماغینان یوخاری
هدفلره چاتماق اوچون بؤیوک آددیملاری‌نین
بیرینی آتدی و یئنه ده مقاومت ائلیه‌جاق
و گله‌جاقدا دا بو مسیره ادامه
وئره‌جاق.
رییس جمهور
آرتیردی: دؤلت اوّلدن جماعته وعده‌لر
وئرمیشدی. اونلارین بیری‌ده جماعتین زندگانلیغی‌نین چرخی‌نین سانتریفیوژلارینان
بیرلیقدا دولانماسی ایدی.
او تأکید ائله‌دی: سانتریفیوژلارین دولانماسی بیزه جماعتین‌ده زندگانلیق چرخی‌نین دولاندیغی زمان ارزشلی ساییلیر. ایندی بو هدفه داها
آرتیق یاخینلاشمیشوق.