رییس جمهور یکشنبه گونو دانمارکین خارجی ایشلر وزیری اینن گؤروشده ترورزمینن مبارزه‌نین دنیا سطحینده جمعی بیر تصمیمه احتیاجی اولدوغونو خاطرلادیب دئدی: اسلامی ایران تروریز اینن مبارزه‌ده جدّی‌دیر و بو زمینه‌ده بوتون چالیشمالارینی ائلییر.
روحانی مشهدده اولان بو گؤروشده آرتیردی: منطقه‌ده تروریستلرین فعالیتی خشونتین یاییلماسی و منطقه‌ده و اونون تبعینده دنیادا ثباتسیزلیغین یارانماسینا سبب اولور.
رییس جمهور آرتیردی: بعضی اؤلکه‌لرین تروریستلردن حمایتینده هله ائله بیر دَییشکلیکلر یارانماییب و اونلارا تروریستلردن حمایتلرینه ادامه وئریرلر.
دکتر روحانی دانمکارکین خارجی ایشلر وزیری‌نین بعضی غربی اؤلکه‌لرین سوریه‌ده و عراقدا اولان تروریستلرله مبارزه‌یه حاضر اولدوقلاری اظهاراتینا اشاره ائله‌ماغینان دئدی: ایللر سونرا غربین ایرانین اونا اصرار ائتدیگی واقعیتی قبول ائله‌دیغینا سئوینیروق و اونون بو مسأله‌ده جدی اولماسینا اومیدیمیز وار.
رییس جمهور ایران و دانمارک آراسینداکی رابطه‌لره اشاره ائله‌ییب بو رابطه‌لرین قدیمدن یاخجی اولدوغونا اشاره ائله‌ییب بو سفرین ایکی اؤلکه آراسی رابطه‌لرین داها یاخجیلاشماسینا اومیدوارلیغینی بیلدیردی.