سس‌سیزلیقدا
بوغولان دنیایا کلمه‌لر رنگینی سپن باغچه‌بان، بو ایشی جان و اورگینن گؤردو و
ایندی بو مملکتین اوشاقلارینا داها رنگلی دنیا صاحب اولماق امکانی وئردی.
چوخلاری باغچه‌بانین
فقط آدینی ائشیدیبلر، آما ائشیتمه‌ین اوشاقلار اوچون او مهربان آتا ایدی و خاطره‌سی
کلمه‌لری اینن همیشه‌لیق دیری قالاجاق.
«قار دده» کتابی‌نین یازانی، ایراندا
بیرینجی اوشاق کتابی یازیب نشر ائدنی‌دیر. او 1307-جی ایلینده بوتون چتینلیقلارا
رغماً اؤز چکدیغی تصویرلر اینن اوشاقلارا مخصوص کتابلار یازدی. و نهایتده باغچه‌بانین
«قار دده» کتابی دنیا اوشاق کتابی شوراسی طرفیندن، لاپ یاخجی اوشاق کتابی کیمی
سئچیلدی.
تبریزدن سونرا
او، شیرازدا و تهراندا دا اوشاقلارین و مخصوصاً ائشیتمه‌ین اوشاقلارین تعلیمی
اوچون مختلف مرکزلر یولا سالدی و او زمانین ائشیتمه‌ین اوشاقلاری سس‌سیزلیقدان
چیخماق و تعلیملرینی بو مهربان آتایا مدیون ایدیلر.
کار-لال‌لار
اوچون مخصوص حساب کتابی‌نین یازماسی، ائشیتمه‌ینلرین تعلیمی اوچون تنظیملنن شفاهی
یول، استخوانی گوشی‌نین اختراعسی، سس‌لرین خاصیّتلری‌نین کشفی و اونلاری بؤلماق و
ائشیتمه‌ینلرین تدریسی اوچون مختلف بصری وسایلین حاضرلاماسی، باغچه‌بانین آیری
خدمتلریندن ساییلیر کی اونلاری عمرونون بویوندا ائشیتمه‌ینلر اوچون یادگار قویدو.
ایندی بیر کار
اوشاغی دانیشماغا قادر گؤرماغیمیزین سببی شبهه‌سیز باغچه‌بانین بو یولدا چالیشماغی‌نین
نتیجه‌سی‌دیر.
بو قهرمانین
82 ایل ثمره‌لی عمرو، اونو، ائشیتمه‌ین اوشاقلارین همیشه‌لیق آتاسینا چئویریب. کار
اوشاقلارا گؤزلرینی قولاقلاری‌نین یئرینه استفاده ائله‌ماغی، اؤرگدن کیشی.