ترکی | فارسی | العربیة | English | اردو | Türkçe | Français | Deutsch
يکشنبه 10 مرداد 1400 - 21 ذو الحجة 1442
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 11
ديروز : 53
ماه : 657
 
تاریخ : يکشنبه 20 فروردين 1396     |     کد : 1376

پروین اعتصامی

پروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر.

پروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر. او 1285-جی ایلین اسفند آیی‌نین 25-ده تبریز شهرینده دوینیایا گؤز آچدی. آتاسی میرزا ابراهیم آشتیانی‌نین اوغلو یوسف اعتصامی، اعتصام الملک آشتیانی آدینا مشهور ایدی. آناسی مقدم العداله‌نین قیزی بانو اختر فتوحی ایدی.

او «تربیت نسوان» آدیندا کتابی یازان عالم آتاسی‌نین تربیتی اینن بویا باشا چاتیر. عرب و فارس دیل‌لرینی‌ده آتاسیندان اؤرگشیر و آتاسی ایله بیرلیکده تهرانا گئدیر. 8 یاشیندان شعر دئماغا باشلاییر.

پروین 28 یاشیندا یعنی 1313-ده کرمانشاهدا شهربانی رئیسی اولان عمیسی اوغلو اینن ائولنیر. آما اونون لطیف روحی نظامی خصلتینن توتمور. و نهایتده ایکی آی یاریمدان سونرا بوشانیب آتاسی ائوینه قاییدیر.

 بیر ایل سونرا یعنی 1314-ده پروین اعتصامی‌نین بیرینجی شعر کتابی چاپ اولور.

پروین بیر مدت تهرانین عالی دانشسراسیندا کتابچی کیمی چالیشیر و عینی حالدا شعر قوشماغا ادامه وئریر. نهایتده اجل پروینی 35 یاشیندا یعن 1320-جی ایلین فروردینین 15-ده ادب و شعر دونیاسیندان آلیر و پروین قم شهرینده عایله مقبره‌سینده آتاسی جیواریندا تورپاغا تاپیشیریلیر.

پروینین دیوانیندا 248 قطعه شعر وار کی اونلارین 65 قطعه‌سی مناظره کیمی یازیلیب.


نوشته شده در   يکشنبه 20 فروردين 1396  توسط   کاربر کلانتری    تعداد بازدید  167
PDF چاپ چاپ بازگشت
نظرات شما :
 
Refresh
SecurityCode