جبار باخچه‌بان 1264 هجری شمسی ایلینده قافقازدا دنیایا گلدی و تحصیلاتین قورتاراندان سونرا ایروان شهرینده تدریسه مشغول اولدو. اونون تدریسی گیزلی استعدادلارینی اوزه چیخارتدی و بیر مدت سونرا چوخلو تجربه اینن تبریزه گلدی و 1303 شمسی ایلینده تبریزده «اوشاقلار باخچه‌سی» آدیندا اوشاق ائوینی آچدی. همان ایل اوچ ناشنوا اوشاق اونون مدرسه‌سینده آد یازدیردی.  و بو اونون اوچون اونلارا دانیشماغی اؤرگتماغا فرصت ساییلیردی. او یازیب اوخوماغی اؤرگتماق اوچون بو گون ممکلتیمیزده رایج اولان الفبا تعلیم مئتودی‌ ابداع ائله‌دی. او هابئله 1312-جی ایلینده تهراندا ناشنوا اوشاقلارا ایلک مدرسه‌نین بناسینی قویدو. او ناشنوا اوشاقلارا دیل اؤرگتماق اوچون بو گون معروف اولان «باخچه‌بانین دانیشان الفباسی» آدیندا یولو انتخاب ائله‌دی. بو مبتکرین چالیشمالاری نتیجه‌سینده اؤلکه ناشنوالاری‌دا او بیری انسانلارینان ارتباطا گئچه بیلدیلر. هابئله کار-لال‌لارا مخصوص تلفون اختراعسی و قیزلارا اؤرگتماق اوچون نسوان مکتبی‌نین بناسی اونون ابتکمارلاریندان ساییلیر. او، 1322-جی الینده کار-لال اوشاقلاردان حمایت جمعیتینی تأسیس ائله‌دی و تعلیم و تربیت سرّلاری، معلم ایش برنامه‌سی، اوشاقلار یاشاییشی و بخچه‌بان رباعی‌لری کیمی کتابلاری اؤزوندن یادگار قویدو. نهایتده او 1345-جی ایلین آذر آیی‌نین 4-ده 81 یاشیندا تهراندا دنیایا گؤز یومدو.