آغا میرزه صادق، کیچیک
مجتهده معروف اولان، فقیه و متکلم عالم، علامه میرزه محمد آغانین اوغلو، تقریباً 1273
هجری قمری ایلینده تبریزده دنیایا گلدی. 19 یاشیندا اولاندا بؤیوک قارداشی اینن
نجف اشرفه عزیمت ائله‌ییب 24 ایل اوردا قالدی. اوردا شیخ حسین فاضل اردکانی، ملامحمدفاضل
ایروانی، محمد فاضل شرابیانی، محمد حسن مامقانی و شیخ هادی تهرانی کیمی عالملرین
محضریندن استفاده ائله‌دی. او 1312-ده وطنه قاییدیب علنی حالتده غیر مشروعه مشروطه
اینن مخالفت ائله‌دی و رضاخان استبدادی اینن مبارزه نتیجه‌سینده کردستانا تبعید
اولدو. علامه امینی‌نین دئدیگینه گؤره او شیعه دنیاسی‌نین پارلاق چهره‌لریندن
ساییلیر. بو بؤیوک عالمدن 12 اثر یادگار قالیب. نهایتده ذات الریه ناخوشلوغو
تأثیرینده 1351 هجری قمری ایلی‌نین ذی القعده‌نین آلتیسیندا 78 یاشیندا قم شهریندن
دنیادان کؤچدو. بو بؤیوک عالم حضرت معصومه‌نین (س) حرمینده دفن اولوندو.