آيت الله سيد احمد حسيني خسروشاهي 1391-جی شمسی ایلینده تبریزده دنیایه گلدی. اسلامی علملرین مقدماتینی اؤز وطنینده بیتیرندن سونرا 1314-جی شمسی ایلینده آتاسی‌نین رضاخانینان حجاب کشفی و آیری دین ضدّیتلی ایشلری اینن مخالفتی اوچون، تبریزین بیر عدّه آیری مبارز روحانی‌لر ایله بیرلیکده سمنانا و سونرا مشهده تبعید اولدو. سید احمدده آتاسیله بیلیکده مشهده گئتدی و اوردا حاج آقا حسين قمي، ميرزا ابوالحسن انگجي و ميرزا محمد آيتالله زاده کیمی اوستادلارین محضریندن استفاده ائله‌دی. سونرا ایکی ایل تبریزده قالاندان سونرا قم شهرینه یوللاندی و اوردا شيخ عبدالكريم حائري و آیری اوستادلارین درسینده حاضر اولدو. ایللر سونرا علم، کمال و فقاهتین یوخاری درجه‌لرینه چاتدی و اؤزو ده ایللر بویو فقه، اصول، کلام و اخلاق درسی وئردی.
سونرالار آيتالله خسروشاهي، آتاسی‌نین دعوتی ایله تبریزه قاییتدی و عمرونون آخرینه‌جن اؤز رسالتینه اوردا ادامه وئردی. بو کرامتلی فقیه پهلوی رژیمی اینن مبارزه‌سی اوچون دفعه‌لرینن توتولوب زندانا دوشوب تبعید اولدو.
آيتالله سيد احمد خسروشاهي نهایت 1356-جی ایلین خردادین 28-ده آلتمیش بئش یاشیندا دنیایا گؤز یومدو و وصیّتی اساسیندا امام رضانین (ع) مطهّر صحنینده دفن اودلو. اونلارین علمی اثرلرینه مثال: فی المواعظ رساله‌سی، علامه حلّی‌نین تبصره کتابینا حاشیه، عروةالوثقی‌یا حاشیه و . . .