موباریز و مشروطه‌چی روحانی شیخ محمد خیابانی
موجاهید روحانی, شیخ محمد خیابانی شمسی ایلین 1259-جو ایلینده تبریز یاخینلیغیندا خامنه شهرینده دونیایا گلدی. او موقدمات علملرین آیةالله سيّد ابوالحسن انگجي و ميرزا عبدالعلي محضرینده اؤرگشندن سونرا, فیقه, اصول و هئیأت و نجوم علملرین اؤرگشدی و بیر مودّت سونرا تدریسه باشلادی. شیخ محمد خیابانی‌نین یاشاییشی 1285-جی ایلینده مشروطه‌نین پیروزلوغوندان سونرا تازا مرحله‌یه داخیل اولدو و تبریزین موحاصیره‌سینده شهردن دیفاع ائتمکده موهوم نقشی اولدو. شیخ محمد خیابانی اوردان کی مرکزی حکومتی ضعیف و باغلی گؤروردو, ایران دؤلتی 1919 قراردادینی قبول ائدندن سونرا تبریزده قیام ائله‌دی. او بو قیامدا کی 1299 فروردینین 17-نده باشلادی آذربایجانین دؤلتی یئرلرین اؤز تصروفونه کئچیتدی و اونا آزادیستان آدی وئردی. آما نیرولارین آزلیغی, قازاقخانا نیرولارین تبریزین یاخینیلیغیندا اولماقلاری و اونلارین مرکزی حکومتله همکارلیقلاری و بیر عیدّه‌نین خیانتی اثرینده بو قیام 6 آی سونرا شیکست یئدی. شیخ محمد خیابانی 1299-جو ایلین شهریور آیین 21-ده قیرخ یاشیندا اولاندا شهادته چاتدی و اونو تبریزین سید حمزه قبریستانلیغیندا تورپاغا تاپیشیردیلار. سونرالار بو قبریستانلیق دینی مدرسه‌یه تبدیل اولدو.