جام جم آنلاین: کانادانین خاریجی ایشلر ویزارتی آمریکانین ایران علئیهینه خصمانه سیاستی‌اینن همراهلیق چرچیوسینده, جومعه گونو بو اؤلکه‌نین خاریجی ایشلر وزیری‌نین ایمضاسی اولان بیر بیانیه صادیر ائله‌ماغینان تهرانداکی سیفارتی‌نین باغلانماسیندان خبر وئردی.

کانادانین خاریجی ایشلر وزیری بو بیانیه‌ده دئییر: کانادا ایرانداکی سیفارتینی باغلادی و اعلام ائدیر کی اؤلکه‌سینده‌کی ایرانلی دیپلوماتلاری رسمیّته تانیمیر و بونا گؤره ایرانلی دیپلوماتلار کانادانی ترک ائتمه‌لیدیلر.

بو بیانیه‌نین ایدامه‌سینده کانادانین خاریجی ایشلر وزیری مودعی اولوب: کانادانین ایران باره‌سینده‌کی موضعی بللی‌دیر و بیز ایرانی دونیا صولحی و بین‌المیلل امنیّتی اوچون تهدید حسابلیریق.

ایرانین سوریه‌دن حیمایت ائله‌ماغی, جومهوری ایسلامی‌نین صولح آمیز هسته‌ای برنامه‌سی و ایرانین صهیونیستی رژیم قیبالیندا توتدوغو موضع, کانادانین ایرانلا قطع رابیطه‌سی دلیللریندن ساییلیب.

بو بیانیه‌ده گلیب کی ایرانلی دیپلوماتلارین 5 گون واختی وار کانادانی ترک ائتسینلر.