اوندا کی اشتون
ایران جماعتینه اورک یاندیریر!/نفتی تحریملرین جولایین اوّلیندن باشماسی
اروپا ایتحادیه‌سی‌نین
خاریجی سیاست مسئولو ایران جماعتینه اورک یاندیرما ژستی توتدو و البته رسمی
اولاراق غربی‌لرین اؤلکه‌میزین نفتینی تحریم ائله‌ماقدان خبر وئردی.
مهر خبرگوزاریسی‌نین
عربی اسکای نیوزدان نقل ائله‌دیگی گوزاریشه گؤره, کاترین اشتون اروپا ایتحادیه‌سی‌نین
خاریجی سیاست مسئولو, اوروپا ایتحادیه‌سی عضو اؤلکه‌لری خاریجی ایشلر وزیرلری
ییغینجاغی‌‌نین آخیرینده خبر وئردی کی ایرانین هسته‌ای برنامه‌سی باره‌ده هرجور
موذاکیره‌نین پیشرفتی‌نین اولماماسی‌ایله جولایین اوّلیندن ایران نفتی تحریم
اولاجاق.
اشتون رسماً
ایران علئیهینه نفت تحریمی‌نین باشلاماسیندان خبر وئردی و البته ایران جماعتینه
اورک یاندیرما ژستی توتوب ایدعا ائله‌دی کی ایران جماعتینی تحریملرین تبعاتیندان
اوزاقدا ساخلایاجاییق.
هابئله اشتون ترکیه
طیاره‌سی‌نین سوریه طرفیندن وورولماسینا ایشاره ائدیب اعلام ائله‌دی کی سوریه
علئیهینه تحریملرین ایدامه‌سی اولاجاق.