1357-جي هيجري
شمسي ايلينده ايمام خميني‌نين(ره) بهشت زهراداكي موهوم سوخنرانليغي
ايسلامي اينقيلابين فقيد
رهبري حضرت ايمام خميني‌نين(ره) 1357-جي هيجري شمسي ايلينده بهشت زهراداكي موهوم
سوخنرانليغي، منطقه و غرب اؤلكه‌لرين عكس‌العملي‌اينن اوزلشدي. ايران مصلحتلرينده
اؤزلرين منفعتلي گؤرن اؤلكه‌لر ايمامين سؤزلريني منفعتلري‌نين موخاليفي
حئسابلاديلار و اونلارين ايرانا گلمه‌لريني پهلوي رژيمي‌نين ساقيط اولماسي قلمداد
ائله‌ديلر. آمريكانين خاريجي ايشلر ويزارتي‌نين سؤز دانيشاني ايمامين بياناتين ضيد
آمريكايي سايدي. هابئله قودسي ايشغال ائدن رژيم ايسلامي ايران رهبري‌نين
قاييتماسيندان نيگران اولدو چونكي بوندان سونرا ايرانين اينقيلابي دؤلتيني اؤز
موقابيلينده گؤردو. حضرت ايمامين قاييتماسي ايراندا كي موباريزه‌نين مسيرين تازا مرحله‌يه
گتيردي. ايرانين غيري قانوني نخست‌وزيري كي اؤزونو ايمام و اونون جماعت اورگينده‌كي
نوفوذونون موقابيلينده سيلاحسيز گوروردو، دئدي كي اوّل‌كي كيمي ايمامينان
گؤروشماغا موشتاقدير چون ايندي هر شئي اونلارين نظرينه باغليدير. همان گون ايمام
روحانيلر جمعينده مبسوط بير دانيشيقدا بويوردولار: « پهلوي سيلسيله‌سي‌نين بيزيم
جامعه‌ده كي ائله‌ديغي جينايتلري شايد او جينايتلردن يوخاري جينايت يوخيدي كي
بيزيم فعال اينساني نيرولاريميزي آرادان آپارديلار يا اونلارين فعاليتين خونثي
ائله‌ديلر و او روشنفيكرلر و عاليملر كيمي او كسلري كي گرك بو جماعته خيدمت ائده‌لر
اوزون زمانلار زيندانلارا آپاردي . . .»