فارس خبرگزاریسینین گزارشینه گؤره "عمرو موسی" عرب باشچیلارینین دوحه‎ده‎کی اوتورمالارینین آچیلیشیندا (افتتاحیه)، جدید علملردن فایدالانماغی دونیا عرب میلّتلرینین ترقّیسی اوچون موهوم بیلیب دئدی: ایراننین علمی ترقّیلری عرب دونیاسی اوچون بیر هدف و اولگو اولا بیلیر.

او، ایرانین هسته‏ای فعالیتلرینه ایشاره ائدیب آچیقلادی: آتوم ائنئرژیسی بین‌المللی آژانسی‎نین گزارشلری گؤرسه‎دیر کی ایران منحرف اولمامیشدیر.

عمرو موسی، عربلرین کشتار-جمعی سیلاحسیز بیر یاخین شرق (خاور میانه) ساغلاماق اوچون صئهیونیزم رئژیمینی کشتار-جمعی سیلاحلاردان خلع اولونماسی ضرورتینه ده‌یینرک آتوم ائنئرژیسیندن باریش ایچینده (صلح آمیز) استفاده ائتمه‎یی ایسته‎دی.

عرب بیرلییی کل دبیری، صئهیونیزم رئژیمینین فیلیسطین توپراقلارینا تجاووزو باره‎ده ده سؤز آچیب دئدی: بو بیرلیک (اتحادیه)، بیر مستقل بین‎المللی کومیته‎دن صئهیونیستلرین غزّه نوارینداکی جنایتلریندن تحقیق ائدیب گزارش نشر ائتمه‎سینی ایسته‎ییبدیر.