عراقين بصره شهرينده اربعين حسيني(ع) كروانينا تروريستي
عمليات 53 نفرين شهادتي و 100 نفردن چوخون يارالانماسينا سبب اولدو.
خبرگوزاري‌لرين
گوزاريشينه گؤره، اربعين گونو اوندا كي يوزلر نفر بير بازرسي پايگاهيندان رد
اولوردولار، تانينمايان بير نفر اگنينده عراق پوليسي پالتارينان، يانيندا اولان
پاتلاييجي ماده‌لري پاتلاتدي. بو اينفيجاردا 53 نفر غير نيظامي شهيد اولوب 100
نفردن چوخ‌دا يارالاندي. بو حاديثه‌يه قوربان اولانلار و يارالانانلارين ايچينده
چوخلو اوشاق و آرواد وار. ايش بيلنلر دئييللر كي، بصره‌ده كي اينتحاري عمليات
نيشان وئرير كي تروريستلر اربعين گونو كربلايه واريد اولانماييبلار. عراق شيعه‌لرين
علئهينه اولان اينتحاري عملياتلار سعودي عاميل‌لري‌نين طرفيندن اولور.
فارس خبرگوزاريسي بغداددان خبر وئردي، دؤرد موسلح آمريكالي
بغدادين اوستانداري «صلاح عبدالرزاق» موحافيظلري طرفيندن توتولور.
عدالرزاقين دئديگينه گؤره، بو دؤرد نفر گولـله‌گئچمز
جيليققا گئيميشديلر و شخصي پالتاردايديلار. اونلار اؤزلري‌اينن كمري اسلحه و سس‌خفه‌له‌ين
حمل ائديرديلر و اوتوماتيك اسلحه‌لري‌ده واريدي. او اونلارين بو وضعده گزماقلاريني
مشكوك بيليب و دئدي: بو آمريكالي‌لار محلي و امنيتي مقاملارينان هماهنگ
اولماميشديلار. بو آداملار بير مودّت سونرا آمريكا سيفارتي‌نين وساطتي‌اينن آزاد
اولدولار.