دوشنبه گونو افغانستاندا باشلانان كونفرانسا
اعتيراضدا 4500 نفر آلمانين «بن» شهرينده تظاهورات ائله‌ديلر.
آلمانين «آ ار د» خبري شبكه‌سي گوزاريش وئردي،
اعتيراضچيلارين قاطاري «بن»ون مركزيندن كئچيب. صولح ايبتيكار شبكه‌سي، سولچولار
حيزبي و آتاك بو اعتيراضين قورانلارينداندير.
اعتيراضچيلار «صولحدن
دانيشيرلار-ساواش يولا ساليرلار- نيرولاري افغانستاندان چيخاردين» شوعارلاري‌اينن
افغانستاندا اولان نيرولارين هر نه تئزراق چيخماقلاريني و آتش‌كس و دانيشيغي ايسته‌ديلر.
آلمان مجليسينده ياشيل‌لارين نوماينده‌سي، هانس كريستيان
اشتروبله، بو اعتيراضين آخيرينده يومورتالارا هدف اولدو. اعتيراضچيلارين بير دسته‌سي
اشتروبله‌نين دانيشماغي‌اينن موخاليفتچي‌ليق ائله‌ديلر و دئديلر: «اونون الي قانا
بولانيب.»
آلمان مجليسينده افغانيستان مسأله‌سي باشلاياندان اشتروبله
هميشه اؤلكه‌سي‌نين افغانستاندا عمليّات ائله‌ماغينا موخاليف رأي وئريب.
بو اعتيراض زماني 4000 نفر پوليس و امنيّتي نيرو
حاضيريديلر. پوليسين اعلامينا گؤره بو اعتيراض قوروتولونجن داعواسيز كئچدي.