اينقيلابين موعظم رهبري شنبه گونو حاديثه‌سينده شهيد اولان پاسدارلارين تشييع جنازه‌سينده حاضير اولدولار.

فارس خبرگوزاريسي‌نين سياسي خبرنيگاري‌نين گوزاريشينه گؤره، ايسلامي اينقيلاب سيپاهي‌ خودكفايي جهادي‌ شهيدلري‌نين كي شنبه گونو بيدگنه پاديگانيندا پاتلاييش اثرينده شهيد اولوبلار، تهرانين شهيد كلاهدوز مئيدانيندا برگوزار اولدو.

حضرت آیت‌الله العظمی خامنه‌ای ايسلامي اينقيلابين موظم رهبري كول قوا فرماندهي‌‌ده بو شوكوهلي و معنوي مراسيمده حاضير اولدولار.

سردار سرلشکر حسن تهرانی‌مقدم ايسلامي اينقيلاب سيپاهي‌ خودكفايي جهاد سازماني‌نين رييسي شنبه حاديثه‌سي‌نين شهيدلريندندير.

تهراني مقدم موقدس ديفاع دوراني‌نين سيپاه فرماندهلريندنيدي.

بو معنوي، شوكوهلي و شورلي مراسيمده كي جماعتين موختليف قشرلريندن چوخو حاضير اولموشدولار، سرلشکر عزیر جعفری سيپاهين فرماندهي، محمدرضا رحیمی رييس جمهورون بيرينجي موعاويني، علی لاریجانی ايسلامي شورا مجليسين ريسي، سعید جلیلي عالي ميلّي امنيت شورانين دبيري، محسن رضایی مصلحت نيظام مجمعين دبيري، حمید رضا مقدم‌فر سيپاهين فرهنگي موعاويني، سرلشکر یحیی رحیم صفوی، محمدباقر قالیباف تهران شهرداري، حجت‌الاسلام والمسلمین حیدر مصلحی ايطيلاعات وزيري، حجت‌الاسلام والمسلمین سعیدی ولي فقيهين سيپاهداكي نوماينده‌سي، سرلشکر باقری موسلح نيرولارين كول سيتادي‌نين ايطيلاعات موعاويني، زریبافان بونياد شهيدين رييسي، بروجردي مجليسين خاريجي سياستلر و ميلّي امنيت كومسيونون رييسي و نئچه آيري لشكري و كشوري مقاملاري حاضير اولدولار.