اؤلکه‌میزین خارجه ایشلر وزیری، بوتون اؤلکه‌لر مخصوصاً قونشو اؤلکه‌لرینن رابطه‌نی ایرانین اولویتلریندن ساییب، ایران و عربستان رابطه‌لری‌نین یاخجیلاشماسینی ایکی طرفلی احترام و مشترک منفعتلره احتراما محتاج بیلدی.
ایلنانین وئردیغی خبره گؤره، خارجی ایشلر وزیری محمد جواد ظریف، اون ایکیمینجی دؤلتده تهران ریاض رابطه‌لری ناسازلیغی آرادان آپارماغا طرف گئده‌جاق یا یوخ؟ سؤالی‌نین جوابیندا دئدی: ایران تهران و ریاض آراسینداکی ناسازلیغین ادمه تاپماسینا میل‌لی دئییل.
او، ایرانین اساس هدفلریندن و اولویتلریندن اؤلکه‌لر مخصوصاً قونشو اؤلکه‌لرینن رابطه‌لرین توسعه تاپماسی اولدوغونا اشاره ائله‌ماغینان دئدی: ایران و عربستان رابطه‌لری‌نین یاخجیلاشماسی ایکی طرفلی احتراما و مشترک منفعتلره احتراما محتاج و منطقه‌ده افراط و جنگی آلیشدیران سیاستلره سون قویماق لازمدیر.