رفتاریمیز ائله اولمالیدیر کی آمریکا خصومت ائله‌دیغی زمان آیری مملکتلر اونو همراهلی قائله‌مهسینلر و اونلارا بهانه وئرمه‌یاق. بو گون برجامین آمریکا طرفیندن نقض اولماسی چین، روسیه و اروپا طرفیندن مخالفت اینن اوز به اوز اولور و FATF سون اجلاسیندا آمریکا اسرائیل و عربستانینان ایران علهینه تک قالدی.
دکتر حسن روحانی قوه قضائیه سراسری همایشینده بو مطلبی دئماغینان آرتیردی: کئچن دؤرد ایلده بیر او بیری قوّه‌لرین کناریندا اولماغا چالیشمیشوق. اولا بیلر بو یولدا بوتون گوجوموزدن استفاده ائتمه‌یاق آما بیری‌نین تخریبینه چالیشمامیشیق. آما بونلاردان داها یوخاری باخمالی‌یوق. قوّه‌لرین مستقل اولماغی آرالاریندا دیوار چکیلمه‌سی معناسیندا دئییل.
او سؤزلری‌نین آیری بؤلومونده آرتیردی: بیر قاضی دادگاهدا ایکی نفرین آراسیندا اونلارین قومیتی، مذهبی و سیاسی-حزبی اعتقادلارینا گؤره تبعیض قایل اولسا، شکسیز او قضاوتین دوزلوغوندا تردید لازم گلر. قاضی طرفسیز اولمالیدیر، ساغ جناح و سول جناح، تورک، کورد، بلوچ، عرب، تورکمن، شیعه، سنی، مسلمان و مسیحی اولماغین قضاوتده یئری اولمامالیدیر.
روحانی آرتیردی: قانون اساسی‌یه گؤره جماعت قانون برابرینده مساوی حقوقا صاحبدیر.
رئیس جمهور آرتیردی: الله ائله‌مه‌میش قضایی ضابطلر حزبی و جناحی ترپشسه‌لر بو قضاوتین دوزلوغونا تردید لازم گلر.