ترکی | فارسی | العربیة | English | اردو | Türkçe | Français | Deutsch
يکشنبه 26 فروردين 1403 - 04 شوال 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 0
ديروز : 136
ماه : 2670
 
تاریخ : سه شنبه 30 خرداد 1396     |     کد : 1418

سپاه داعشدن آغیر انتقام آلدی

اسلامی انقلاب سپاه پاسدارانی بیر اطلاعیه ضمنینده، سپاهین سوریه‌نین دیرالزوروندا یئرلشن تکفیری تروریستلرین فرماندهلیق مرکزی و ییغینجاق یئرلرینی، تهرانین اخیر تروریستی جریانین انتقامیندا موشک اینن وورماسیندان خبر وئردی.

اسلامی انقلاب سپاه پاسدارانی بیر اطلاعیه ضمنینده، سپاهین سوریه‌نین دیرالزوروندا یئرلشن تکفیری تروریستلرین فرماندهلیق مرکزی و ییغینجاق یئرلرینی، تهرانین اخیر تروریستی جریانین انتقامیندا موشک اینن وورماسیندان خبر وئردی.

سپاه نیوزون وئردیغی خبره گؤره، سپاهین عمومی رابطه‌لری بیر بیانیه صادر ائله‌ماغینان بو خبری یایدی. سپاهین عمومی رابطه‌لری‌نین وئردیغی بیانیه‌نین متنی بو شرح اینندیر:

بسم الله الرحمن الرحیم

تکفیری تروریستلرین 96-جی ایلین خردادین 17-سینده تهراندا تروریستی جنایتی نتیجه‌سینده 18 نفر اوروج و مظلوم جماعتین شهادتی و هم‌وطنلریمیزین بیر چوخونون یارالانماسیندان سونرا سپاه اعلام ائله‌دی: «هئچ پاک قانین تؤکولمه‌سی جوابسیز قالمایاجاق».

بونا گؤره سپاه ذات اقدس ایلاهی‌دن کؤمک آلماغینان و قهرمان ایران جماعتی، معظم شهید خانواده‌لری و امامین (ره) مطهر حرمینده و اسلامی شورا مجلسی‌نین اداری ساختمانیندا تروریستی عملیاتدا صدمه گؤرنلرین نایبی کیمی، نئچه لحظه قاباق سوریه‌نین شرقینده دیرالزوردا یئرلشن تکفیری تروریستلرین فرماندهلیق مرکزی، ییغینجاق یئرلری و تکفیری تروریستلرین انتحاری ماشینلارین حاضرلانما مرکزینی، جنایتکار تروریستلرین تنبیهی اوچون، موشک ایله ووردو.

بو عملیاتدا سپاهین کرمانشاه و کردستان موشک پایگاهلاریندان بیر تعداد بالستیک موشک اینن تکفیری تروریستلرین مرکزلرینه اؤلدوروجو ضربه‌لر وورولدو.

اله گلن خبرلره گؤره، بو عملیات نتیجه‌سینده تکفیری تروریستلرین چوخو هلاک اولوب چوخلو تجهیزات، سیستمو  سلاحلاری منهدم اولوب.

بو انقلابی و مجازاتا بنزر اقدامین پیامی تماماً آیدیندیر. سپاه تکفیری تروریستلره و اونلارین منطقه و بین المللی حامیلارینا هشدار وئریر، ایران جماعتی علیهینه شیطانی و کیفیر اقداملاری تکرار اولسا، سپاهین انقلابی غضبی و انتقام آلوولاری، اونلارین عامل‌لری و سبب اولانلارینی توتاجاق و جنایتکارلاری جهنمه واصل ائله‌یه‌جاق.

اسلامی ایرانین عظیم الشأن جماعتینه اطمینان وئریلیر، انقلاب پاسدارلاری الله‌ین عنایتی و او بیری نظامی و انتظامی، اطلاعاتی و امنیتی نیرولارین مشارکتی و همراهلیغی اینن ملی امنیتی قوروماق و ضد امنیتی و فتنه‌لری سیندیرماق اوچون، هئچ تلاشدان اسیرگه‌میه‌جاق و مناسب اقداملاری اؤز برنامه‌سینده یئرلشدیره‌جاق.

تکمیلی خبرلر متعاقباً ایرانین شریف جاعتین حضورونا چاتدیریلاجاق.

اسلامی انقلابین سپاه پاسدارانی‌نین عمومی رابطه‌لری


نوشته شده در   سه شنبه 30 خرداد 1396  توسط   کاربر 1    تعداد بازدید  108
PDF چاپ چاپ بازگشت
نظرات شما :
 
Refresh
SecurityCode