دکتر تبریزی آرتیردی: جماعتین دقّتی اولسون کی واکسنی آلاندان سونرا کی یخچالدان چیخاردیلدی یاریم ساعت ایچینده حتماً تزریق اولمالیدی.

او کرمان و سیستان بلوچستاندا اولون تلفاتا اشاره ائله‌ییب دئدی: احتمالی وار بو ناخوشلوق ایکی اوچ هفته‌دن سونرا شرقی آذربایجانا چاتا و جماعت مواظب اولمالیدی. او ناخوشلوغون یاییلماسی‌نین قاباغینی آلماق اوچون بو ایشلری گؤرماغی لازم بیلدی:

1.  ناخوش انساندان بیر متر فاصله‌لی اولماق واجبدیر.

2 . اللری تئز تئز صابونلا یوماق واجبدیر.

3 . گؤروشلرده ال وئرماق و اؤپوشماقدان چکینماق واجبدیر.

4 . ناخوش شخصین شخصی وساییلی و لیوان بوشقابی آیری ساخلانمالیدیر.

دکتر تبریزی آنفولانزا علامتلری‌نین سویوق دَیمه‌ کیمی اولدوغونو بیلدیردی: بدنین هر یئری‌نین آغریماسی، اورک بولانما اینن بیرلیقدا اولان باش آغریسی، استفراغ، اسهال مخصوصاً اوشاقلاردا و 38 درجه‌دن یوخاری اولان تب.

ناخوشلایان شخص دکتره گئدندن ایکی هفته سونرا توختاماسا حتماً درمان مرکزلرینه یولوخمالیدیر.