هر گون سرطان گتیرن سملر و موادینان اله به یاخا اولوروق. آما یاخجی تغذیه اینن بو سملری اؤزوموزدن اوزاقلادا بیلریک.
دئییلنلره گؤره سزطان اولیه مرحله‌لرینده تشخیص وئریلسه داها راحت درمان اولا بیلرو آما هر حالدا پیشگیری ردماندان داها صرفه‌لیدیر. دوزگون تغذیه اینن سرطانین قاباغین آلماق هر شئیدن داها یاخجیدیر.
سرطانلا مبارزه ائله‌ماق صحبتی اولاندا هانسی یئمه‌لیلردن اوزاق گزمه‌لی اولدوغوموزو داها راحت بیله بیلیروق. اونلاردا علاوه بیر سئری یئمه‌لیلر وار کی غذایی رژیمیمزه آرتیرمالی‌یوق:
ساریمساق
ساریمساقدا سولفور ترکیبلری وار کی بدنین امنیت سیستمینی گوجلندیرر. ساریمساغی ضد سرطان خاصیتی وار و تومورلارین بؤیومه‌سی‌نین قاباغینی آلا بیلر.
بروکلی کلمی
بوتون کلملر ضد سرطاندیلار آما چوخلو مقدارا سولفورافانا صاحب اولان گؤی بروکلی کلمیدیر. سولفورافان ترکیبی بدنین محافظ آنزیملرینی آرتیرار و سرطانی موادی بدندن دفع ائلر.
کیوی
کیوی سرطانلا ساواشان آنتی اوکسیدانلا دولودور. بو میوه‌ده C ویتامینی ، E ویتامینی ، لوتئین و میس وار.
توتلار
توتلاردا بوللو مقداردا فیتونوترینت وار کی بو ماده سرطانین ضدیدیر.
بامادور
بو میوه‌ده بوللو مقداردا لیکوپن وار. بیر آزمایشین نتیجه‌سینه گؤره لیکوپن آندومتر سرطانی‌نین قاباغینی آلار.
آغ و قره لوبیه
بو لوبیه‌لر گؤزه گلیم مقداردا کولون سرطانی‌نین قاباغینی آلار. حبوباتینا دولو اولان غذایی رژیم بدنده بوتیرات یاغی آرتار و بدن سرطان مقابلینده داها گوجلو اولار.
گیرده‌کان
گیرده‌کاندا بوللو مقداردا سینه سرطانیندا استروژن آلیجیلارینی مهار ائله‌ین فیتواسترول‌لار وار. بو ماده سرطان بؤیومه‌سی‌نین قاباغینی آلار.