«بادی گارد» آدلانان بو پتو، ProTecht
شرکتی طرفیندن دوزلیب. مستطیل شکلینده اولان بو پتونون 5.16 اینچ قالینلیغی و بئل
کیفی کیمی آسقیلاری وار کی اوشاق اونو گئییب یئره اوزانا بیلر.
بو پتونو دوزلدن "استیو واکر" دئییر: «بو پتو طوفان زمانیدا ایش وئرر.
طوفاندا جسملر او طرف بوطرفه توللانیر و اوشاقلار بو پتونون آلتیندا اونلارین ضربهسیندن آماندا
اولا بیلرلر».
گئچن ایلین طوفانیندا یئددیسی مدرسه اوشاغی اولان 24 نفر طوفان اثرینده
جانلارینی الدن وئردیلر.
اوکلاهوما دانشگاهینین هوا-فضا مهندسلیغینین
اوستادیاری بو پتونون مبتکرلریندن بیری، پتونو دوزلتماقدا چوخ یونگول پلاستیکدن
استفاده ائلهییب. بو
پلاستیک کئولاردان یونگولدور.
کئولار ( Kevlar)
گوجلو و یونگول «پارا آرامید»دن دوزلمیش الیافدیر کی معمولاً ساپ و یا توخونموش
پارچا کیمی استفاده اولونار. کئولاردا دواملیلیق وزنه گؤره یوخاریدیر. برابر وزنده کئولارین استحکامی
پولادین بئش برابردیر.
بو پتودا ایشلهنن مادّه، میخ، خیردا دمیر پارچاسی و ایتی شئیلرین قاباغیندا مقاومدیر.
اونلار دئییرلر بو پتولارین هر بیرینی مین دولارا آلماق مدرسهلرده ضد طوفان
حفاظ دوزلتماقدان داها اوجوز اولار.
بو پتونون پلیس مرکزلرینده امتحانی اونون 9 میلی مترلیق گولـله و 22 کالیبر
اسلحهنین
قاباغیندا مقاوم اولماسینی ثابت ائدیب.
بو پتونو تولید و ساتیشی آمریکادا باشلانیب.