چونکی فلسفه بو مسأله‌یه لاقید قالا بیلمزدی و ایندیده اونا دقّتسیز اولا بیلمز. بونا گؤره کی صلح اخلاق، فضیلت، حق و حقوق و انسانی غایتلرینن ایچ ایچه‌دیر.

بو گون امنیّت، حقوق، نظم، ساغلاملیق کیمی مفهوملارین جهانی سؤزو اینن بیرلیقدا ایشلنمه‌لری چوخ روجا تاپیب. اسکندرین «جهان وطن» ایده‌سیندن میلادی ایلین 11-جی عصرینه قدر کی مسیحیت عالمینده «جهانی دین» مفهومو مطرح اولدو هئچ کس جهانی اولماقدان دانیشمادی آما بو گون انسانلاری هر بیر شئیین جهانی‌سینه دوشونورلر.

جهانی صلح باره‌ده بیرینجی رساله‌نی 18-جی عصرین اوّل‌لرینده «قالارگی صلح باره‌سینده» عنوانیندا کانت یازمیشدی. البته بو رساله‌ده کانتین نظری قایناغی هم فرانسه انقلابی‌نین هدفلری و هم اونون انسان شناسی مبنالاریدی.

مسأله بوردادیر که جهانی صلح هانسی هدف و نه‌یه خاطردیر؟ فیلسوفلار صلحی اخلاقیات و انسان کمالی مسیرینده بیلیبلر آما اونا ابزار و وسیله کیمی باخماق بیر سئری قدرت صاحبلری‌نین خیردا هدفلرینه چاتماغا وسیله ائلیر. بو گونون فیلسوفلاریندا بو انتظار وار کی صلح مسأله‌سینی غیر اخلاقی و منفعت دالیسیجان اولماق کیمی مقوله‌لردن آریتلاسینلار و اونو انسان سعادتی و کمالی مسیرینده تعریفله‌سینلر.