فارسین تبریزدن وئردیغی خبره گؤره، تیجاری-ایقتیصادی بیر هیأتین رأسینده تورکیه‌نین ارزروموندا سفرده اولان شرقی آذربایجانین اوستانداری احمد علیرضابیگی، سفری‌نین اوّل گونونده نئچه خدماتی-تولیدی مرکزدن گؤروشده ارزرومون محلی مقاملارینن گؤروشدو.
شرقی آذربایجانین اوستانداری ارزرومون اوستاندارینن گؤروشده ایران و تورکیه‌نین موشترکاتینی ایکی طرفلی همکارلیقلارا موناسیب فورصت اولدوغونو دئماغینان آرتیردی: شرقی آذربایجان و ارزروم اوستانلاری بو فورصتلردن آیری اوستانلارا نیسبت داها چوخ ایستیفاده ائده بیلرلر.
علیرضابیگی آرتیردی: : بیر-بیریمیزین ظرفیتلریندن داها چوخ ایستیفاده ائله‌مه‌لیوق و شرقی آذربایجان منطقه‌ده اثر قویان بیر نوقطه کیمی ارزروم اوستانینا یاخجی تیجاری شریک اولا بیلر.
ارزرومون اوستانداری صلاح‌الدین اؤزتورک‌ده قاباقکی تَوافوقلرین تحقوق تاپماسینی ایکی طرفین هیأتلری‌نین گئت-گلی‌نین ایدامه تاپماسینا باغلی بیلدی و تأکید ائله‌دی ایکی طرفلی رابیطه‌لرین ایجرایی اولماسی اوچون قاباقکی تفاهوملره آرتیق دیقّت یئتیریلمه‌لیدیر.
شرقی آذربایجانین اوستانداری و همراه هیأتی سفرین ایدامه‌سینده، بو شهرین شهرداریسینه گئدیب شهردارینان گؤروشوب دانیشدی.
بو گؤروشده شرقی آذربایجانین اوستانداری و ارزروم شهرداری، ایکی طرفلی همکارلیقلارین مخصوصاً شهرسازی و شهر خیدمتلری زمینه‌سینده تأکید ائله‌دیلر.
علیرضابیگی مربوطه مودیرلرینن بیرلیقدا ارزروم اوستانین بؤحران مودیریّتی سیتادیندان‌دا گؤروش ائله‌دی و اونلارین برنامه‌لری و ایمکانلاری‌نین جریانیندا اولدو.
شرقی آذربایجانین تیجاری ـ ایقتیصادی هیأتی ارزروما اولان ایکی گونلوق سفرلرینده ارزرومومون ایقتیصادی فعّاللارینن گؤروشوب تیجاری تبادوللرین چوخالماسینا تأکید ائله‌دیلر.