صهیونیستی رژیمین خاریجی
ایشلر ویزارتیندن بیر مقام دئییر: سوئدین اریکسون شیرکتی و ایران آراسیندا اولان
بیر قرارداد بو موخالیفتین اصلی سببیدیر. بو تحریملر ایجرا اولسا بو شیرکتین او
بیری قراردادلاری‌دا موشکوله یئتیشه‌جاق.
بونونلا بئله کی میلل سازمانی
هوشدار وئریب کی بو تحریملر عادی جماعتین‌ده زیندگانلغینا تأثیر قویور, اوروپا
ایتحادیه‌سی تازا تحریملر باره‌سینده دوشونور.
بو بیر حالدادیر کی
تحریملرین بوتون ایجراسی اوچون اوروپا ایتحادیه‌سی‌نین 27 اؤلکه‌سی‌نین هامیسی
اونو قبول ائده, بو دؤرد اؤلکه موخالیف اولسالار تحریملرین اثری آزالاجاق.
تازا تحریملر بانک و گمی
صنعتلرینده اولاجاق و هابئله بو اؤلکه‌لر ایرانا قورقوشوم و پولاد کیمی فیلزلری
ساتمایاجاق و ایران نفت‌داشیان گمیلری خیدمتلری و گمی دوزلتمه علمینی تحریم ائده‌جک.
بو حرکتده اوروپا ایتحادیه‌سی 34 ایرانلی شیرکتین وار-یوخونو مسدود ائده‌جک.