آیت الله مجتهد شبستری شرقی آذربایجان شهرلری‌نین ایمام جومعه‌لر جمعینده دئدی: منفعت آختارانلار چالیشیرلار اؤلکه‌ده روانی ایختیلال یاراتماغینان, اؤلکه‌نین ایقتیصادی دورومون ایشدن دوشموش گؤرستسینلر.

او بو باره‌ده آرتیدی: ایخلالچیلار تئز-تئز قیمتلری چوخالتماغینان ایستیرلر اؤلکه‌نی امنیت‌سیز گؤرستسینلر کی مربوطه نهادلارین همکارلیغی اینن اؤز هدفلرینه چاتا بیلمه‌دیلر.

آیت الله مجتهد شبستری اؤلکه‌نین جماعتیندن ایسته‌دی کی باشاردیقلاری قدر قیزیل کیمی لازیم اولمایان کالالاری آلماسینلار کی مملکتین ایقتیصادی شراییطی مطلوب وضعیته دؤنسون.