موعظم رهبرلیق مقامین
موشاویری آمریکا اینن هر جور رابیطه دگیشمه‌سینی موعظم‌له طرفیندن اعلام اولماسینا
باغلی بیلدی.
دؤکتور علی اکبر ولایتی
عالی دیفاع دانیشگاهین دؤکتورا دؤره‌سی‌نین آچیلیشیندا, دئدی: جومهوری ایسلامی‌نین
سیاستی قاباقکینا تایدیر و دگیشمه‌ییب و بو زمینه‌ده هر جور دگیشمه گرک موعظم
رهبرلیق مقامی طرفیندن اعلام اولا.
موعظم رهبرلیق مقامین
موشاویری بین‌المیللی ایشلر باره‌ده مونافیقلرین, آمریکانین تروریستی گروهلار
لیستیندن خاریج اولماسینا تأکید ائدیب دئدی: بو کی بیر تروریستی و ضید بشری گروهی
تروریستی گروهلار لیستیندن چیخاردالار و بو بدنام و آوارا گروهی قبول ائده‌لر,
آمریکانین سیاسی مغلوبیت معناسیندادیر.
ولایتی هابئله ایرانین 1+5
گروهی‌اینن موذاکیره‌لرینه ایشاره ائدیب دئدی: ایران هئچ واخت موذاکیره‌یه ماییل
اولماسینی گیزلتمه‌ییب و هر واخت اونلار ایسته‌ییبلر کی موذاکیره ائله‌سینلر, بیز
ایستیقبال ائله‌میشوق. موعظم رهبرلیق مقامین موشاویری بو سوآلین جوابیندا کی ایران
موذاکیره‌لرده‌کی سیاستین دگیشه‌جاق یا یوخ, دئدی: ایرانین سیاستی کامیلاً
ثابیتدیر و ایرانین ایصرار ائله‌دیغی نوکته بودور کی ان‌پي‌تي چرچیوه‌سینده صولح‌آمیز
اتومی انرژیدن ایستیفاده ائله‌ماق بیزیم حقیمیزدیر و بیز اونا موتعهیدوق و بو
سیاست دگیشمیه‌جاق.