خاريجي ايميل قاداغان اولدو؛ حساب آچماق فقط داخيلي ايميل‌لرينن
همشهري آنلاين: ايرتيباطات وزيري بير نامه‌ده مركزي بانكين
رييسينه اعلام ائله‌دي: بوندان سونرا موشتريلر حساب آچاندا فقط داخيلي ايميل قبول
اولاجاق و بانكي صورتحسابين خاريجي ايميل‌لري گؤندريلمه‌سي قاداغان اولدو.
فارس يازدي: رضا تقي‌پور ايرتيباطات ايطيلاعات و تكنولوژيسي
وزيري، مركزي بانكين كول رييسي محمود بهمني‌يه بير نامه‌ده يازيب كي بانكلارين
موشتريلرينن موكاتيبه‌لري خاريجي هاست ايميل‌لرينن او جومله‌دن Yahoo،
Gmail، Hotmail
و MSN قاداغان
اولدو.
تقي پور بو نامه‌ده خاريجي ايميل‌لرين قاداغان اولماسين ايسته‌ييب
و پيشنهاد وئريب بير شراييط حاضيرلانسين كي موشتري‌نين داخيلي ايميلي اولماسا
بانكين اؤزونده اينترنت واسيطه‌سي‌اينن اؤزونه ايميل آچسين.
گوزاريش اساسيندا، بو نامه‌ده گليب:
قانون و سندلر اساسيندا ايطيلاعات تكنولوژيسي زمينه‌سينده
ايستيفاده‌چيلرين امنيتين ساخلاماق اؤلكه توسيعه‌سي‌نين بئشينجي برنامه‌سي 46-جي
ماده‌سي‌‌نين هدفلريندندير و بونا خاطير كي خاريجي عمومي ايميل‌لر (yahoo
, Gmail و...) ايستيفاده‌چي ايطيلاعاتي‌نين اؤلكه‌دن
خاريج اولما وسيله‌سي ساييلير، خواهيش اولونور تأكيدلي دستور وئره‌سيز اؤلكه
بانكلاري آشاغيدا كي موريدلري هر نه تئزراق ايجرا ائله‌سينلر:
1. بانك موشتريلرين صورت حسابلارين yahoo,
Gmail و MSN
و Hotmail كيمي خاريجي ايميل‌لره
يوللاماسينلار.
2. داخيلي ايميل‌لردن ايستيفاده اولسون كي اونلارين فهرستي
ميلّي اينترنتين توسعه‌سي موديريتي‌نين مركز سايتيندا قويولوب و مورتّب صورتده
آپدئيت اولور.
3. حساب آچيلاندا خاريجي ايميل‌لر قبول اولماسين. بونا خاطير
لازيمدي بانكلاردا اينترنته وصل اولوب و ايميل آچما ايمكاناتي يارانسين.