شرقي آذربايجانين ايسلامي تبليغات سازمانين
عمومي رابيطه‌لري‌نين گوزاريشينه گؤره، حجّت الاسلام جليل پورتقي دئدي: اوستاني
ايمتحان آلانلارين حضوري‌اينن، قورآن كريمين روخواني و روانخواني تربيت موعليم
دوره‌سي‌نين آخيرنجي ايمتحاني (خانيملارا مخصوص) جومعه گونو آذرين 25-ده بو ايداره‌ده
برگوزار اولدو.
او تصريح ائله‌دي: قورآن كريمين روخواني
و روانخواني موعليم تربيت دؤره‌سي (خانيملارا مخصوص) بو ايلين مهريندن ايستعدادلي
نيرولاري تانيماق و اونلاري قورآن كريم اورگتماق دؤره‌لرينده«1 و 2-جي
سطحده»(قورآنين روخواني-روانخوانيسي و ناماز قرائتي‌نين دوزلوغو) تدريس اوچون
تربيت ائله‌ماق هدفي‌اينن، بو ايداره‌ده باشلانيب و كتبي و نهايي ايمتحانين
برگوزار اولماغي‌اينن، بو دؤره موفقيت‌اينن باشا چاتدي.
او آرتيردي: بو
دؤره‌نين موربي‌لري نهايي ايمتحانلاردان سونرا، قورآن كريمين روخواني و روانخواني
تربيت موعليم مدركين آلماغينان، موعليم عونوانيندا قورآن كريم اوخوماق عمومي
دؤره‌لري (1 و 2-جي سطح) و «قورآن حيفظي»(1 و 2-جي سطح)، قورآني مؤسيسه و كندلرين
قورآن ائلرينده تدريس ائده‌جاقلار.