فارس خبر گوزاريسي‌نين تبريزدن وئرديگي
گوزاريشه گؤره، تراب محمدي خبرنيگارلارينان دانيشيقدا دئدي: بو اثرلر اوستان
هونرمندلري‌نين طرفيندن وئريلن سابيقه و ايطيلاعات اساسيندا سئچيليب و تهرانا گؤند‌ريليب.
او ال ايشلري ميلّي نيشان موسابيقه‌سيني
يونسكونون اصالت مؤهرونون آلماسينا موقدمه ساييب و دئدي: 10 هونر ريشته‌سينده 25
ال ايشي سئچيليب.
اوستانين توريست، ال ايشلري و فرهنگي
ميراث سازماني‌نين رييسي دئدي: قيمتلي و ياريم قيمتلي داشلارين يونماسيندا 10 اثر،
سخسي و سيراميكده 5 اثر، كيليم توخوماقدا 2 ايش و دمير اويماقدا 2 اثر بو
موسابيقه‌يه يول تاپيب.
محمدي آرتيردي: مليله، داش اويماق، سبد
توخوماق، تخته موزاييك و ايراني ساز دا هر بيري بير اثرله بو موسابيقه‌يه يول
تاپيبلار.
او دئدي: يونسكونون اصالت مؤهرونو آلماغا
ارزيابليق اوچون آلتي معيار وار كي او محصول بو نيشاني اله گتيره‌جك كي لاب يوخاري
كيفيّتي اولسون.
محمدي آرتيردي: يونسكودا بين‌الميللي
موتخصيصلردن بير هيأت محصول‌لاري مرغوبلوق، اصالت، تازالاشديرماق، بازار تاپما
گوجو، موحيط زيسته احتيرام قويماق و ايجتيماعي مسئوليّت باخيميندان
آراشديراجاقلار.
او هابئله دئدي: يونسكونون ال ايشلري
اصالت مؤهرو هر ايكي ايلدن بير وئريلر كي تعريف اولان معيارلار اساسيندا اولار.