فارس خبرگوزاريسي‌نين تبريزدن وئرديغي گوزاريشه گؤره، پورفوسور علی عجبشیر‌زاده خبرنيگارلارينان دانيشيقدا دئدي: مراغه مركزي‌نين يوخاري علمي و تحقيقي ظرفيّتلري باعيث اولدو مراغه اؤلكه‌نين اولدوز و فيزيك اختر قوطبي تانينسين.

او دئدي: بو مركزين 82-جي ايلينده ايشه باشلاماسيندان اينديه‌جن 309 تحقيقي طرح اولدوز و فيزيك اختر زمينه‌سينده مراغه‌ده ايجرايا قويولوب كي اونلاردان 234 تحقيق isi دا چاپ اولوب.

مراغه‌نين اولدوز و فيزيك اختر تحقيقات مركزي‌نين رييسي هابئله بو مركزين بو ايلين بهمنيندن دوكتورا سطحينيده دانيشجو قبول ائله‌ماغيندان خبر وئردي و آرتيردي: بو ايل اولدوز و فيزيك اختر ريشته‌سينده  دوكتورا سطحينده تحقيق‌محور دانيشجو قبول ائديله‌جاق. 

او دئدي: مراغه‌نين اولدوز و فيزيك اختر تحقيقات مركزي تحقيقي طرحلرين انجاميندا 26 مركز آراسيندا 5-جي روتبه‌ده‌دير.

مراغه‌نين اولدوز و فيزيك اختر تحقيقات مركزي‌نين رييسي، مراغه‌ده اولدوز و فيزيك اختر تحقيقات ائوي‌نين يارانماسيندان خبر وئريب آرتيردي: علوم ويزارتي طرفيندن لازيم اولان اعتيبار تأمين اولسا بو تحقيقات مركزي دوزلديله‌جاق. ايدامه‌ده عجبشيرزاده بو مركز طرفيندن اولدوز و فيزيك اختر زمينه‌سينده 5 كيتابين چاپ اولماسيندان خبر وئردي.