آلمان خبرگوزاريسي گوزاريش وئردي، فرانسه‌نين
باشا باشيندا موختليف صينفلر 200 يئرده او جومله‌دن قاطار يولو و رنو و ايرباس
كيمي بؤيوك شيركتلرده تجموع ائتمك اوچون چاغيريش وئرميشديلر.
آما بو چاغيريشلارين گئنيش اثري اولمادي
و قاطارلارين چوخو وقتينده حركت ائله‌ديلر.
فرانسوا شركو (Francois
Chereque)، (CFDT)
بؤيوك فهله ايتحاديه‌سي‌نين رييسي اقتيصادي رياضت سياستيني عدالتسيزليق بيليب و
اوندان اينتيقاد ائله‌ماغينان دئدي كي معمولي ايشله‌ينلر پوللولاردان 6
برابر چوخ هزينه وئريرلر.
فرانسه دؤلتي سپتامبرين آخيرلرينده
بودجه‌نين پيشنويسين ائله وئردي كي قراردي بودجه آزليغي گلن ايل 11 ميليارد
يوروياجان آزالسين. هابئله برنامه تؤكولوب كي 30 مين كارمند تعديل اولسون.
بوندان علاوه قراردي ايضافه‌كارا دا
ماليات باغلانسين و پزشكي تكميلي بيمه‌دن ده موضاعف ماليات آلينسين.
هابئله قراردي گليري ايلده 250 مين
يورودان چوخ اولانلارين مالياتي (پوللولارين مالياتي) ايجرايا قويولسون.